pilluarit

Jakob Larsen nersorneqarluarpoq

GOG-p sungiusaasua Jakob Larsen TV-kut toqqaannartumik aallakaatitsinermi ukiumi sungiusaallammattut toqqarneqarpoq

Jakob Larsen TV2-mi toqqaannartumik apersorneqarpoq
GOG-p sungiusaasua Jakob Larsen TV-kut toqqaannartumik aallakaatinneqartumi ukiumi sungiusaallammattut toqqarneqarpoq
Jakob Larsen TV2-mi toqqaannartumik apersorneqarpoq Knud Fl. LarsenGOG-p sungiusaasua Jakob Larsen TV-kut toqqaannartumik aallakaatinneqartumi ukiumi sungiusaallammattut toqqarneqarpoq Knud Fl. LarsenJakob Larsen TV2-mi toqqaannartumik apersorneqarpoq Knud Fl. LarsenGOG-p sungiusaasua Jakob Larsen TV-kut toqqaannartumik aallakaatinneqartumi ukiumi sungiusaallammattut toqqarneqarpoq Knud Fl. LarsenJakob Larsen TV2-mi toqqaannartumik apersorneqarpoq Knud Fl. LarsenGOG-p sungiusaasua Jakob Larsen TV-kut toqqaannartumik aallakaatinneqartumi ukiumi sungiusaallammattut toqqarneqarpoq Knud Fl. Larsen

Arfininngormat ualikkut assammik arsarluni qallunaat pissartanngorniunneranni sefinalimi unamminermi siullermi Team Tvis Holstebro-p aamma KIF Kolding Københavnip TV-kut aallakaatinneqartumik unamminerannut atatillugu TV2-mi oqaluttuusartut Thomas Kristensenip Bent Nygaardillu ukiumi arsallammannik sungiusaasullammammillu toqqaasussaapput.
Oqaluttuusartut taakkua marluk soorunami isumaqatigeeqqissaanngillat. Unammisartut sungiusaasullu kakkalluartut amerlaqaat. Thomas Kirstensenili Bent Nygaardilu isumaqatigiipput ukiumi målmand-illammak tassaasoq GOG-p målmandia Kevin Møller. Qaffassimasunulli GOG-kunnut taanna nersornaatini kisiartaanngilaq. GOG-p sungiusaasua Jakob Larsen Håndboldligami sungiusaasuullammattut Thomas Kristensenimit toqqarneqarpoq. Aappaata Bent Nygaardip, Jakob Lartsenip qanga GOG-mi sungiusaasorisimasaata, aamma Jakob Larsen nersulalaaqaa, isumaqarlunili Sønderjyske-mi sungiusaasoq Morten Henriksen sungiusaallammattut toqqarneqartariaqartoq.

Toqqagassat amerlasuut
Unammisartuni inissat ataasiakkaat soorunami sakkortuumik unammissutigineqarput. Qallunaat angutit assammik arsartartut ukiuni makkunani nunani tamalaani sukalanerpaat ilagaat, klubbillu arlallit aningaasaateqarput assammik arsallaqqissunik sungiusaallammannillu atorfinititsisarnissaminnut. Jakob Larsenip sungiusaallammattut unammisarisimavai Erik Veje Rasmussen Århus Håndbold, Klavs Bruun Jørgensen Team Tvis Holstebro, Nikolaj Jacobsen Ålborg Håndbold, svenskeq Per Carlén Bjerringbro-Silkeborg aamma islandimi nunanut allanut unammisartut sungiusaasuat KIF Kolding Københavnillu sungiusaasua Aron Kristjánsson.

Nersorniarneqarneq nuanneqaaq
– Soorunami nuannaarlungalu tulluusimaarpunga, Jakob Larsen Sermitsiaq.AG-mut oqarpoq nangillunilu:
– Qujamasoqaangalu sulinera nersualaarneqarmat. GOG-mi sæsonimi angusarissaarsimaqaagut. Unammisartoqarpugut piumassusilinnik unamminerillu tamaasa ajugaasinnaasugut upperinnittumnik. Aammami holdimik sulisorissaaqigatta, tamarmik nersorluagassanik.

Powered by Labrador CMS