Holdningsskifte?
IWC-mut isummat allanngortippiuk?
Aalisarnermut, piniarnermut nunalerinermullu Naalakkersusiup Karl Lyberthip - nunanut allanut ministeri assigalugu - IWC mattukkumanngilaa. Illit qanoq isumaqarpit?
Naalagaaffeqatigiinni aaqqiagiinngitsoqalerpoq nunanut allanut ministeri Villy Søvndal nalunaareersorlu Danmarkip arfanniarnermut kommissionimit aninissaa ilimasaarutigisimallugu. Taamaasiorsimavoq Kalaallit Nunaat tusarniaavigeqqaarnagu.
– Mattussinissaq sualuppallaaqaaq, aalisarnermut, piniarnermut nunalerinermullu Naalakkersuisoq Karl Lyberth knr-radioaviisimut oqarpoq.
– Pissutsinut pitsaavallaanngitsunut isersimavugut, Karl Lyberth oqarpoq, taassumalu arfanniarnermut kommissioni tatiniarlugu mattussineq pinnagu periarfissat allat atorusunneruvai.
Taakkua marluk Karl Lyberthip suliniuteqarneratigut naapeqatigiissapput ataatsimut iliuuseqarnissaq anguniarlugu. Radioaviisi malillugu tamanna pissaaq septembarimi.
Aamma atuaruk: Kalaallit Nunaat imminut arfattassippoq
Kalaallit Nunaat ukiut nikinneranniilli angisuunik arfattassaqanngimmat Naalakkersuisut namminneq arfattassat aalajangerpaat.
Tamanna sioqqulugu kingornalu Kalaallit Nunaat IWC-mit anissanersoq assortuussutaalerpoq.
Illit qanoq isumaqarpit? Nunatta IWC-miiginnarnissaanik isummat allanngortippiuk?
Aamma atuaruk: IWC, peerniarit
Ukiup ataatsip matuma siornatigut Sermitsiaq.AG IWC pillugu paasisitsivoq. Taamanikkut atuartartuvut ersarissumik oqarput Kalaallit Nunaat IWC-mit anissasoq.