pisassiissutit
IWC-mi isumaqatigiittoqareersoq: Kalaallit danskillu suleqatigiinnerat Aleqamit nersualaarneqarpoq
Naalakkersuisut siulittaasuata arfattassiissutit IWC-mi isumaqatigiissutigineqarnerat nuannaarutigaa
- Danmarkip Kalaallit Nunaatalu arfattassiinerit pillugit suleqatigiinneranni angusarineqartoq ullumi takuneqarsinnaavoq. Angusarineqartup takutippaa Danmarkip Kalaallit Nunaallu suleqatigiikkaangata suut anguneqarsinnaanersut.
Naalakkersuisut siulittaasuat Aleqa Hammond Siumumeersoq Kalaallit Nunaata arfattassanik piumasaqaataata Arfanniarnermut Ataatsimiititaliarsuami akuerineqarneranut oqaaseqarpoq.
- Arfattassiineq kulturikkut aningaasaqarnerlu pingaaruteqarpoq, tamanna IWCmit paasineqarpoq. Danmarkip soqutigisatsinnik sukataaruteqarnera qujassutigaara, Aleqa Hammond tusagassiutinut nalunaarummi oqarpoq.
IWC-mi amerlanerussuteqarluartoqarluni, tapersersuisut 46, akerliusut 11-k aamma taaseqataanngitsut pingasut, ukiunut tulliuttunut sisamanut - 2015-imiit 2018-imut - arfattassiissutissanut Kalaallit Nunaata siunnersuutaa akuersissutigineqarpoq, Finn Karlsen ilisimatitsivoq.
IWC-imi ataatsimiinnerit septembarip 11-anit 18-ata tungaanut ingerlanneqassapput.
Kitaanut pisassiissutit:
- Tikaagulliit 164-it
- Tikaagulliusaat 19-it
- Qipoqqaat qulit
- Arfiviit marluk
Tunumut:
- Tikaagulliit aqqaneq marluk