Arfattassat saqitsaasutaanerat

IWC-mi ataatsimiinnissaq sioqqullugu Namminersorlutik Oqartussat suli isumalluarput

Nunatta arfattassaanik aaqqiagiinngissuteqarneq qaangerneqareersimassaaq IWC-mi ataatsimiinneq naammassereerput, nunatsinnit tamanna neriuutigineqarpoq

Qipoqqaat

Kalaallit Nunaata Danmarkillu, illua'tungaanilu Nunani Tamalaani Arfanniarnermut Ataatsimiititaliarsuup, IWC-p, akornanni aaqqiagiinngissuteqarneq sivisuumik isumaqatigiinniutigineqareersoq, naalagaaffeqatigiinnit aallartitat, IWC-p ataatsimiinneranut peqataajartortut, isumalluarput.

Septembarip 11-annit 18-iannut Sloveniami ataatsimiinnissami Kalaallit Nunaata aallaavittut qinnutiginiarpaa 2015-imiit 2018-imut nutaamik pisassinneqarnissani, Den Videnskabelige Komité-mit siunnersuinerit nutaajunerpaat tunngavigalugit -tassalu qinnutigineqarpoq tikaagulliusaanik 19-inik, qipoqqarnik qulinik arfivinnillu marlunik, kiisalu Tunumi tikaagullinnik 12-nik pisassinneqarnissaq.

Kalaallit Nunaata 2012-imi arfattassiissutissatut kissaatigisaminik itigartinneqarnermi kingorna, Kalaallit Nunaata IWC-mit arfattassinneqaqqittalernissaa anguniarlugu Aalisarnermut, Piniarnermut Nunalerinermullu Naalakkersuisoqarfik tamaviaarsimavoq.

Aalisarnermut, Piniarnermut Nunalerinermullu Naalakkersuisoqarfimmi piniarnermut immikkoortoqarfimmi pisortaq Amalie Jessen naapertorlugu tamanna piviusunngorluarsinnaavoq. Tusagassiivik naapertorlugu immikkoortoqarfimmi pisortaq isumalluarnissaminut tunngavissarissaarpoq.

Aalisarnermut, Piniarnermut Nunalerinermullu Naalakkersuisoqarfik qallunaallu Nnanut Allanut Ministereqarfiat 2013-imi ukiakkulli IWC-mit Nunatsinnut arfernik angisuuniik pisassiissutissanik tamaviaarullugu isumaqatigiinniuteqarsimapput.

Powered by Labrador CMS