Nassuiaat nutaaq:
Iviangikkut kræfteqarnermik misissuisarneq akilersinnaanngilaq
Nalilersuineq nutaaq naapertorlugu nuna tamakkerlugu iviangikkut kræfteqarnermik misissuisarnerup atuutilersinnissaa akisoorujussuussaaq
Kalaallit Nunaanni iviangikkut kræfteqarnermik misissuisarneq eqqunneqartariaqarnersoq ukiorpassuarni oqaluuserineqartarsimavoq. Tamatumali itigartitsissutigineqarnissaa maanna ilimanarsivoq.
Nalilersuineq nutaaq Inatsisartunut saqqummiunneqaqqammerpoq, tassanilu itigartitsissutigineqarnissaa innersuussutigineqarluni.
- Nassuiaatip ersarissumik innersuutigaa iviangikkut kræfterneq pillugu misissuisarneq eqqunneqassanngitsoq, annertoorujussuarmik naleqarsinnaammat akisullunilu toqussutaasarnera nappaataasarneratalu assigiinnginnerat annertunngimmat, Peqqissutsimut naalakkersuisoq, Agathe Fontain, §-37 naapertorlugu apeqqummut juullinngitsiartoq akissuteqarpoq.
Nunani avannarlerni eqqunneqartoq
Nunani avannarlerni allani iviangikkut kræfteqarnermik misissuisarnermik ingerlatsisoqarpoq. Danmarkimi arnat 50-it 69-illu akornanni ukioqartut tamarmik ukioq ataaseq allortarlugu iviangikkut qinnguartartinnikkut misissortinnissamik neqeroorfigineqartarput. Misissuinerit iviangikkut allanngornernik inussanik nammineerluni malugineqarsinnaanngitsunik qulaarisinnaapput.
Atuaruk: Flere rammes af tarmkræft
Kisianni iviangikkut kræfteqarnermik misissuisarnerup eqqunneqarnissaa maanna ilimanarunnaartoq inalukkakkut kræfteqarnermik misissuisarnermik eqqussinissaq suli isumaliutigineqarpoq.
- Inalukkakkut kræfternermut misissuisarnerup eqqunnissaata periarfissai suli ingerlanneqarput nalunaarusiarlu 2017 -imi saqqummiunneqassaaq, Agathe Fontain paasissutissiivoq.
AG-mi saqqummertumi atuarlutit paasisaqarnerugit: