Ivalo & Minik Fonden legatimik tunniussivoq

Ivalo & Minik Fondenip siulersuisui legatimik 300.000 koruunit sinnerlugit nalilimmik qinnuteqartumut ataatsimut tunniussissallutik aalajangerput.

Legatinnattoq tassaavoq Uiloq Mathæussen.

Taassuma ilaatigut legati Sydneymi Macquarie Universitymi nNunani tamalaani attaveqaqatigiinneq pillugu masterinngorniarnermut ilinniarnermut akiliutissanut Australiamilu najugaqarnermini aningaassartuutissaminut atorusuppaa.

Ilinniarneq qaammatinik 18-inik sivisussuseqarpoq.

Ilungersorniartoq
Uiloq Mathæussenip Ivalo & Minik Fondenimit lagatinnalluni taamatut periarfissaqarnini nuannaarutigaa.

- Ilinniakkap pitsaanerpaamik naammassinissaa ilungersuutigissavara. Tamatumunnga peqatigitillugu oqaatigissavara Nunatsinnut uteruma pisinnaasat piginnaasallu Australiami pigilikkama atornissaat pingaartittupilussuugakku, taanna tusagassiuutinut nalunaarummi oqarpoq.

Legati Royal Arctic Line A/S-imit, Royal Greenland A/S-imit, GrønlandsBANKEN-ip Inuussutissarsiornermut aningaasaateqarfianit NunaFondenimiillu tunissutaasut tunngavigalugit aningaasalersorneqarpoq.

Ivalo & Minik Fondenip siulersuisuini Minik Rosing siulittaasuuvoq.