nannut
Ittoqqortoormiit 21-arluni nanoqartoqarpoq ukiaq manna
WWF Verdensnaturfondenip nanunut upalungaarsimasui ulapaarput. Ittoqqortoormiit ikinnerpaamik 21-arluni ukiaq manna nanoqarpoq.
Ittoqqortoormiit illoqarfianni ikinnerpaamik 21-riarluni nanoqartoqarpoq, WWF tusagassiutinut nalunaaruteqarpoq.
- Dines Ittoqqortoormiut ikuallaaviani suliartorluni puigukkiussaqarpoq sepbembarimi. ATV-mi saniani nanoqartoq siumorpaa, nanorlu tungiminut aallarluni. Dines qimaavoq, nanorlu qujanartumik malinnaanani.
WWF-ip Ittoqqortoormiini nanunik upalungaarsimasuinut ilaatigut taamatut nalunaartoqarpoq. Aamma ilaatigut ima nannumik siumuinermik nalaatoqartoqarpoq:
- Oktobarip 18-at 2017: Mikkeli ballonimik aallartitsissalluni illup eqqaaniittoqartoq tusaasaqarpoq nalunaaquttaq 22.00-ip missaani. Nanoq meterinik pingasunik qanitsigisoq siumorpaa. Mikkeli illup iluanut qimaavoq, nanoq aamma qimaavoq.
Ajornartorsiutaaleraluttuinnarpoq
Ittoqqortoormiini 21-arluni nanoqarpoq augutsitimit decembarip tungaanut. Nanumik siumuisoqartillugu WWF-ip upalungaarsimasui saaffigineqartarput, taakkulu nanoq qimaasittarpaat. Piniarnermut nakkutilliisoq marloriaq piffissami tassani nanumik pisartinneqarpoq.
- WWF-ip nannunik upalungaarsimasui toqqissisimalersitsisut innuttaasunit oqariartuutigineqartarpoq. Aamma nannut aallaaneqarnissaat pinngitsoorneqartarpoq. Upalungaarsimasut sulilluaqaat, suliassaqarnerujussualli ajuusaarutigaarput. Ittoqqortoormiit eqqaani sikuerukkiartornera malitsigalugu nannut illoqarfimmukartut amerliartorput, WWF-imit Bo Øksnebjerg aallappoq.
- Nannut illoqarfiliartarnerat akiorniarlugu politikerit iliuuseqartariaqalerput. Nanoq saassussitillugu aallaaneqartarnissaa avaqqunneqarsinnaanngilaq, Bo Øksnebjerg nangilluni oqarpoq.
Amerlatsissagunartut
Inuit nannunit navianartorsiortinneqartut Issittumi silaannaap allanngoriartornera malitsigalugu amerliartorput. Inuit nanumik navianartorsiortinneqartut arfineq marluupput 2007-mi, 2017 kisitsit 21-ulluni Ittoqqortoormiini.
- 21-t eqqartorneqartut upalungaarsimasut ilisimasaraat. Amerlanerusinnaapput. Aamma ilisimaneqanngitsumik nanoqartoqarsinnaasarpoq, Bo Øksnebjerg oqarpoq.