Ittoqqortoormiit
Ittoqqortoormiinit assit
Peqatigiiffik Kalaallit Meerartaat Tunumi ukioq manna sammisaqartitsivoq
Tunumi ukioq manna sammisaqartitsisoqarpoq. Ukioq kingulleq Qaanaami sammisaqartitsisoqareersoq, Isabelle Flammia aamma Ena Kurtagic Granulos Kalaallit Nunaanni sammisaqartitsisunut peqataaqqipput:
Sapaatip akunnera siulleq
Meeqqat illoqarfimmiittut peqatigisinnaaneri nuannaarutigaarput.
Meeqqat qanoq amerlatigisut peqataassanersut pissangassutigineqaqqaarpoq. Aamma sammisaqartitsinissat soqutiginassanersut pissanganarpoq.
Paatsooqatigiittoqartarnissaa ernumassutigineqaqqaarpoq, tassami sammisaqartitsisut amerlanerpaat kalaallisoorsinnaanatillu danskisoorsinnaanngillat. Kisianni ataasinngornermi pisoqarfiusoq aallartimma kikkut tamarmik nuannisaqaat.
Meeqqat 60-it
Meeqqat amerlasuut peqataapput, tassami 60-t peqataammata. Sapaatip akunnera tamaat taamatut amerlatigipajaaginnavittarput. Oqaatsitigut ajornartorsiuteqartoqanngilaq. Meeqqat ussersussaqiillutillu tuluttut oqaatsinik ilisimasaqartorujussuuneri tupaallaatigaarput.
Sammisaqartitsisut nunanit allaneersuut oqaasii meeqqanit ilinniarneqarput soqutigineqarluarlutik. Meeqqat ilaasa franskisut ilassivaanga illoqarfikkoorlunga! Meeqqat soqutiginnittorujussuupput sutigut tamatigut.
Sammisat
Sammisaqartitsinerit timersortarfimmi, atuarfimmi silamilu ingerlanneqarput.
Timersortarfimmi qitinnermik sungiusartitsisoqarpoq, timigissarnermik aamma assigiinngitsunik sammisaqartitsisoqarluni. Nuannisartorujussuuvugut. Pinnguariaatsit assigiinngitsut aamma ilinniartitsissutigineqarput. Meeqqat imminnut aamma suleqatigiilluartorujussuupput, ilaat paasisinnaanngikkaangata ilaasa ikiortarpaat.
Aamma inersimasunut sammisaqartitsisoqarpoq, soorlu ilaatigut basketballimik unammisoqarluni.
Sukisaarsartarfiit
Atuarfimmi eqqumiitsuliornermik suliaqarnermik ingerlatsisoqarpoq. Soorlu kiinnanut qalipaasoqarpoq, assigiinngitsunillu allarpassuarnik sammisaqartitsisoqarluni. Kiinnakkut qalipatsinneq soqutigineqarnerpaavoq, illoqarfimmimi meerarpassuit kiinnakkut, talikkut niukkulluunniit qalipatsissimanerat takussaasorujussuuvoq. Pinnguariaatsinik assigiinngitsunik aamma pinnguartoqarpoq soorlu 'Twister'-ertoqarluni. Tamanna ilaatigut meeqqat tuluttut aamma ilinniutigilaarpaat.
Sila atoruminaraangat silami sammisaqartitsilluartarpoq.
Aamma assiliillaqqinneqqusaatitsisoqarpoq. Meeqqat illoqarfimmi assigiinngitsut assilivaat, soorlu meeqqat pinnguartut imaluunniit illoqarfimmi assilineqarsinnaasunik assiliipput.
Meeqqanut sammisaqartitsisunullu sapaatip akunnera naammassilluarpoq. Meeqqat soqutiginnilluartorujussuupput, taamaattumik sapaatip akunnerata tulliani sammisaqartitsinissat qilanaaraavut.
Assit ataani takukkit