Ittoqqortoormiini umimmannik tunitsivik

Ittoqqortoormiini aalisakkanik tunisassiorfiusimasoq umimmannik tunitsivinngorlugu suliarineqarpoq - maanna attartortussarsiorneqarpoq

Ittoqqortoormiini umimmannik tunitsivimmik ingerlataqarniaraanni, taava maanna periarfissaavoq. Sermersooq Business Councilip ilanngussaani tamanna atuarneqarsinnaavoq.

Tassanimi umimmannik tunitsivik attartortussarsiorneqarpoq.

- Ittoqqortoormiini B-334, aalisakkeriviunikoq, umimmannik tunitsivissatut nutartigaq attartortussarsiuunneqarpoq, ilanngussami tamanna allaqqavoq.

Attartortitsinissamut isumaqatigiissutigineqartussaq ukiuni tallimani sivisussuseqassaaq, septembarip aallaqqaataaniit 2018-imi atuutilissalluni.

- Attartortussap nammineq tunitsivittut ingerlatsineq, tunisassiorneq, suliffeqarfimmik ingerlatsinissaq, aserfallatsaaliineq tunisassiornerlu isumagisassarissavai, taama allaqqavoq.

Powered by Labrador CMS