suliniut
Ittoqqortoormiini meeqqat atualernissaannut piareersarneqarput
Ittoqqortoormiini suliniutip meeqqat meeqqerivimmiit atuarfimmut ikaarsaarnerat aporfissaqannginnerusumik ingerlatilissavaa
Atualernissamut piareersarneq.
Meeqqerivimmi Paarsisor-miittut atualertussat meeqqat atuarfianni Ejnar Mikkelsenila Alivarpianniittarnerat suliniutigineqarpoq.
Ukiortaamiilli meeqqat sapaatip akunneranut marloriarlutik atuariarfimmiitinneqartarput taavalu ukiup ingerlanerani ullut amerliartortinneqarlutik.
- Meeqqat taamaaliornermikkut atuarfik, atuariartortarnerlu qanoq innersoq ilinniarpaat. Imminnut utaqqisarnissaq ilinniartarpaat, mianersoqatigiinnissaq soorunami aamma allanik ilinniagassatigut iluaqutissat taamannak atuariartoqqaarnerminni pissarisiarissavaat, atuarfiup pisortaa Peter Mønster Kommuneqarfik Sermersuup tusagaasiutinut nalunaarutaani oqarpoq.
Ejnar Mikkelsenila Alivarpia ukiuni kingullerni atuartunik taamatut ilinniartitsilluni misileraavoq.
- Meeqqanut atualeqqaarnermi tamanna oqinnerpaajusoq misissuinerit tamarmik takutippaat, Peter Mønster oqarpoq.
Sunngiffeqareernerup kingorna atuartut arfineq marluk Ittoqqortoormiini atualissapput.