Nuuk

Ittittoq pillugu Ilisimatusarfimmi oqallinneq

Inuit Ataqatigiit Folketingimi arfininngorpat Ilisimatusarfik suleqatigalugu Issittoq oqallisigissavaat.

Inuit Ataqatigiit i Folketinget og Ilisimatusarfik i Nuuk inviterer unge studerende i Grønland til at diskutere samfundsudfordringerne på tværs af den arktiske region

Inuit Ataqatigiit Folketingimi aamma Ilisimatusarfiup Kalaallit Nunaanni ilinniagaqartut inuusuttut aggersarlugit issittumi tamani inuiaqatigiittut unammillikkat pillugit oqallisigisissavaat.

Model Arctic Council Greenland Kalaallit Nunaanni siullermeertumik pissaaq.

- Inuusuttut tassaapput siunissami Issittup siunissai taamaattumillu namminneerlutik ilusilersueqataassapput. Folketingimi sulinitsinnut Naalakkersuisunullu pitsaasunik pingaaruteqartunillu ullormut siunnersuuteqarfiusussamut qilanaarpugut, Aaja Chemnitz Larsen, Inuit Ataqatigiit Folketingimut ilaasortaatitaat, partiip nittartagaa naapertorlugu taama oqarpoq.

Sammisat arlallit oqallisigineqassapput
Kalaallit Nunaanni Issittullu sinnerani imminut napatissinnaasumik aningaasaqarnikkut ineriartorneq qulequtarineqassaaq, ilaatigut FN-ip nunarsuaq tamakkerlugu anguniagaanik aallussisoqassalluni.

- Nunat iluini nunanullu allanut politikkini avataaniit aningaasaliissutit aningaasaqarnikkullu ineriartornerit sammineqarluarneranni tamanna 2017-imi Kalaallit Nunaanni oqallisigissallugu pissusissamisoorluinnarpoq.

- Aammattaaq ilinniagaqartut nunat inoqqaavisa piginnaatitaaffiinut avatangiisinullu politikkimut apeqqutinik sammisaqartinneqassapput, taakkuami imminut napatissinnaasumik aningaasaqarnikkut ineriartortitsinermut attuumassuteqarluarmata. Tamakkuupput Issittumi imminut napatissinnaasumik ineriartortitsinissamik Kalaallillu Nunaata nunarsuarmioqatigiinni inissisimaffissaanut tunngatillugit Aaja Chemnitz Larsenimit aallussassatut kissaatigineqartut, Inuit Ataqatigiit Folketingimi tamanna oqaatigineqarpoq.

Oqallinneq soqutiginnittunut tamanut ammasuuvoq.

- Ilinniagaqartuunngikkaanni aamma tusarnaariarnissaq periarfissaavoq, IA Folketingimi ilisimatitsivoq.

Powered by Labrador CMS