inuussutissarsiornermut tapiissut

Itigartitaaneq nammagittaalliutigineqarsinnaanngorpoq

Inatsisartut Ombudsmandiata inuussutissarsiornermik tapiissutinik itigartitsisoqarsimatillugu naammagittaalliutit suliarisalissavai

Tapiissutinut suliariaaseq Inatsisartut ombudsmandiata ammanerusumik ingerlanneqarsinnaanngortikkusuppaa.

Inuussutissarsiornermik siuarsaaneq pillugu inatsit tunngavigalugu tapiissutinik Greenland Business A/S-mit itigartitaasimagaanni naammagittaalliortoqarsinnaanngorpoq misissuititsisoqarsinnaanngorlunilu.

Inuussutissarsiornermi pilersaarutinut Greenlanbd Business A/S-imut tapiissutinik qinnuteqarsimatilluni itigartinneqarlunilu Inatsisartut ombudmandianut naammagittaalliuuteqartoqarsinnaanngorpoq. Inatsisartut Ombudsmandia taama paasissutissiivoq.

Pilersaarutitsialannut tapiisarput

Suliffeqarfiit kiffartuussinermik, takornarialerinermik, industrilerisut, niunermik suliaqartut, hotelit IT-lerisullu inuiaqatigiinnut iluaqutaasinnaasumik suliaqarunik suliffissaqartitsigunilluunniit tapinut qinnuteqarsinnaatitaapput.

Itigartitaasoqarsimatillugulu ombudsmandimut naammagittaalliortoqarsinnaanngikkaluarpoq maannalu tamanna allanngortinneqarluni. Greenland Business A/S pisortat ingerlatsiviata ilaginngilaa, taamaattumillu Ombudsmandip sulinerani pineqartunut aallaavittut aamma ilaatinneqarani.

Atuaruk: Naammagittaalliuutit amerlanerulernerat nutaarsiassatsialaavoq

- Ingerlatseqatigiiffiulli taassuma inuussutissarsiornermik siuarsaaneq pillugu inatsimmi tapiissutinik aqutsineq Kalaallit Nunaanni Namminersorlutik Oqartussat isumaqatigiissuteqarfigalugit isumagisaraa. Taamaattumik ingerlatseqatigiiffik taanna inuussutissarsiornermik siuarsaaneq pillugu inatsimmi malittarisassaq immikkut ittoq tunngavigalugu suliassat suliarineqartarnerat pillugu inatsimmi aamma paasitinneqarsinnaatitaaneq pillugu inatsimmi pineqartunut ilaatinneqarpoq, ombudsmandip Vera Leth taama paasissutissiivoq.

Tapiissutinik ammasumik sullissineq

Inuussutissarsiornermik tapiissutit suliarineqartarneri ammanerusumik paasiniaaffigineqarsinnaanngortut allannguinerup aamma ajornaassitippaa. Tassa suliat aalajangersimasut qanoq ingerlasimaneri Greenland Business A/S-imut piniarneqarsinnaanngormata.

Powered by Labrador CMS