KNR-imi Kukkuluttortoqareersoq
Isummerit: KNR-imi attaveqatigiittarnerit Nikkumut tunniunneqassappat?
KNR-ip iluani attaveqatigiittarneq Partii Inuinut tunniunneqassanersut Sermitsiaq.AGp taasititsinerani peqataagit
Partii Inuit siulittaasuata Nikku Olsenip ataasinngornermi KNR-imut piumasaqarpoq, KNR-imi attaveqatigiittarnerit tunniunneqassasut. Nikku Olsen qallunaamik eqqartuussissuserisumik suleqateqarluni KNR-ip iluani attaveqaqatigiittarnerup tunniunneqarnissaa sulissutigaa. KNR-illi attaveqatigiinnerit tunniunniarnagit nalunaarpoq. Nikku Olsenip piumasaqartoqarnera Sermitsiaq.AG-p oqallittarfiani aalassaatigineqarpoq.
KNR-ip nittartagaani pisortaasimasoq Peter Troelsen februaarip pingajuanni kukkuluttorluni Nikku Olsen allaffigisoorpaa, ilaatigut Nikku Olsen 'Adolf'-imik taallugu. Nikku Olsenip qularutiginngilaa Adolf Hitlerimut assersuunneqarluni. Nikku Olsenip tigusani tusagassiorfinnut parteeqarfinnullu nassiuteqqippaa. Peter Troelsen Nikku Olsenimut ingerlaannarluni utoqqatseriartorpoq, akunnerilli amerlanngitsut qaangiuttut KNR-imit soraarsitaalluni.
Pisoq ataasiaannarluni pisuusoq KNR-ip siulersuisunit oqaatigineqarpoq, taama KNR-ip iluani attaveqatigiittoqarneq ajortoq naqissuserneqarluni. KNR-imi sulisut aamma oqaatigaat KNR-ip iluani taama attaveqatigiittoqarneq ajortoq, sulisulli ataatsip kukkuneratigut pisimasoq oqaatigineqarluni.
Apeqquteqarpugut: KNR-imi attaveqatigiittarnerit Partii Inuit siulittaasuannut Nikku Olsenimut tunniunneqassappat?
Taasinermi peqataagit, allaffissami aamma nassuiarsinnaavat sooq taama taasisimanerlutit