DK-mi kalaallit
Isummat pigiliutiinnakkat nungusarniarlugit Danmarkimi peqatigiiffiliortoqarpoq
Peqatigiiffik nutaaq Københavnimi pilersinneqarpoq sapaatiummat
Danmarkimi kalaallit sinnerlugit oqaaseqartartuunissaq inuiaqatigiit akornanni nalitut isigineqarnissaq peqataatinneqarnissarlu siuarsarumallugit kattuffiup pilersinneqaqqammersup 'Kalaallit Danmarkimi Kattuffiat' suliassaasa pingaarnersarissavaat.
Tamat oqallittarfiini Ersarissumik peqataanissaq Kattuffiup aamma siunertaraa.
- Danmarkimi Kalaallit isigineqarnerat 10 procentit ajornartorsiutillit aalajangertarpaat. Tamanna aamma kattuffiup allanngortikkusuppaa, Regine Møller allappoq.
Nangipporlu:
- Suliassatut pingaartutut isigaarput imaqarnerusumik tamakkiinerusumillu Danmarkimi kalaallip oqaluttuarinissaa, taamaaliornikkut danskit kalaallinut isumaat pigiliutiinnakkat nungusarumallugit. Imaqarnerusunik tamakkiinerusunillu uagut kalaallit pilluta saqqummiussuissaagut.