SAPAATIP-AKUNNERANI APEQQARISSAARNEQ
Isummanik pingiliutiinnartakkanik akiuiniartoq
Regine Møller, Danmarkimi ilinniartoq, suliniaqatigiiffimmut nutaamut »Danmarkimi Kalaallit Kattuffiat«-nut isummanik pigiliutiikkanik nungusaaniartumut kalaallillu ingerlalluartut siuarsarneqarnissaannik suliniuteqartumut, siulittaasuuvoq.
Regine Møller sapaatip akunnerani Sapaatip Akunnerani Apeqqissaarneqarpoq, tassani AG aviisi arlalinnik apeqquteqarpoq.
Siunertaq?
AG: Suliniaqatigiiffissi sumik siunertaqarpa?
- Kalaallit Danmarkimiittut pillugit imartunerusumik tamakiinerusumillu oqaluttuarnissaq suliassatut pingaartutut isigaarput. Qallunaammi isumaat pigiliutiinnakkat nungusarusuppavut. Ataatsimeersuarnitsinni anguniakkamik aalajangersaavugut, tassanilu ilaatigut allassimalluni Danmarkimi kalaallinut oqaaseqartartuussalluta, pisortatigoortumi oqalliffinni assigiinngitsuni suleqataassalluta saqqumilaartut, kiisalu kalaallinut Danmarkimiittunut assigiinnerusumik naleqassutsimik naligiinnermillu pilersitseqataassalluta, Regine Møller oqarpoq.
Meeqqanik qinngasaarineq
AG: Susoqartarneranik-una misigisaqartarassi tamakkuninnga suliaqalerniartusi?
- Danmarkimi inuiaqatigiinni isummat pigiliutiinnagarpassuit misigisarpavut. Meeqqat qinngarsaarneqartarput – assersuutigalugu niviarsiaraq 12-nik ukiulik, taanna oqaluttuarpoq, atuaqatiminit qinngasaarneqartarluni, oqarfigineqartarluni imertartoq Kalaallit Nunaanneersuugami. Meeqqat allat qallunaanik meeqqanik misigisaqartarput oqartartunik »kalaallit sianiitsut«. Tassa isumaqarput oqaatsit »sianiitsoq« aamma »kalaaleq« imminnut ataqatigiissut.
Regine Møllerip apeqqarissaarneqarnera AG aviisimi tamakkerlugu atuaruk. Aviisi uani pisiassaavoq.