videnskab

Isumatsassimangaarnerup kingunerani: EPO eqqaamasanut iluaqutaavoq

Sapaatip akunnikkaarlugit EPO-mik kapitittarneq isumatsassimasut eqqaamasaataat aaqqissinnaavaat. EPO-p eqqaamasaatiminnik ajornartorsiutillit ikiorsinnaappagit torraassaqisoq psykiatrimi professori isumaqarpoq

Igaffimmi neqi siareerlugu miseqqioreerputit. Igaavit saniani naatsiiat puuminnit nikisinneqaratik qalipaajarneqaratillu ipput. Neqi miserarlu piareereerput, naatsiiallu siullillugit qalipaajariarlugit uunnissai puiorsimavatit, Videnskab.dk allappoq.

Københavnip Universitetiani psykiatrimi professori Poul Videbech isumatsassimasut aaqqereernermi kingunerani aqqusaarsinnaasaannik assersuusiorpoq. Eqqaamasaatimmi ulluinnarni isumagisassat piareernissaat ajornakusoortittarpai.

Isumatsassimanermi qaangiisimasunut eqqaamaniarnermut ajornartorsiutilinnut ullumikkut ikiorsiissuteqanngilaq.

Tamaammat siunissami eqqaamaniarneq pitsanngortinniarlugu hormoni rythropoietinimi atilik, naalisarlugu EPO, iluaqutaasorujussuusinnaasoq Poul Videbach isumaqarpoq.

Danskit misissuinerannilu tamanna piviusunngorsinnaasoq ilisimatusarnermut quppersakkami 'Journal of Clinical Psychiatry' saqqummersinneqarpoq.

- Eqqarsartaatsitsigut ajoquteqarneq ajornartorsiuterujussuuvoq. Taamaallinimi iluamik ingerlanissaq suliffeqarnissarlu ajornakusoorsinnaasarpoq. EPO-lu ikiortigalugu sullinneqartut ikiorserneqarsinnaassappata pitsaassaqaaq, Videnskab.dk-mut oqarpoq.

Isumatsannerup kingunerani eqqaamaniarnermulluunnit ajornartorsiuteqartut sapaatip akunnerini arfineq-pingasuni EPO-mik katsorsarneqareerlutik eqqaamasaataat pitsanngoriaateqartartoq misissuinerup paasinarsitippaa. EPO-millu kapitittarunnaareernermit sapaatip akunneri arfinillit angullugit sunniusimasartoq paasineqarluni.

EPO-lli saniatigut sunniutaasa ilagaat aap qaffasissusaa annertusitissinnaagamiuk. Sikkilertartunut tamanna iluaqutassinnaavoq aanaartoornissamullu qaninnerulersitsisinnaalluni. EPO-milli kapitinnerip kingullermit sapaatip akunneri arfinillit qaangiuppata aak naliginnaasunngoqqittarpoq eqqaamasaallu taamaaginnartarluni.

Region Hovedstad Psykiatrimili ilisimatuutoqqap Det Sundhedsvidenskabelige Fakultetemilu Købanhavnip universitetiani ilinniartitsisup Kamilla Miskowiakip misissuineq ingerlappaa. Taassami misissuinikuunini siornatigut ingerlateqqissimallugu.

Maannakkullu EPO placebomit sunniutai sanilliullugit annertunerusumik misissuiffigisussanngorlugu.

Hun skal nu i gang med et nyt og større studie af EPO's effekt sammenlignet med placebo, hvor hun kun inkluderer patienter med målbare hukommelses- og koncentrationsproblemer. Misissuinermini napparsimasut eqqaamasaatimikkullu ajornartorsiortut ilanngutissallugit.

Powered by Labrador CMS