ataatsimeersuarnerneq
Isumannaatsuunermut politikki Nunani Avannarlerni politikerit oqaluuseraat
Naalakkersuisut siulittaasuat Aleqa Hammond ministeriunerlu Helle Thorning-Schmidt nunani avannarlerni naalakkersuisut siulittaasuisa Islandimi ataatsimiinneranni peqataapput
Nunani avannarlerni - Sverigemi, Norgemi, Danmarkimi, Finlandimi Islandimilu ministeriunerit ataatsimut unammilligassatik oqaloqatigiissutigalugit ukiumoortumik persuarsiunngitsumik ataatsimeeqatigiipput. Ukioq manna ataatsimiinnemri sammineqarput nunanut avannarlernut nunanulkl ataasiakkaanut apeqqutit, ilaatigut nunani avannarlerni nunanut allanut isumannaatsuunermullu politikkimi suleqatigiinneq, EU-mut tunngasut kiisalu maannakkorpiaq pisut nunanut allanut politikkimut attuumassutillit, tamatumani ilanngullugit Ukraine aamma Afghanistan.
Maajip 27-anni ministeriunerit Kalaallit Nunaata, Savalimmiut Ålandillu pisortaat kiisalu Nordisk Ministerrådip generalsekretæria Nordisk Rådillu præsidentia ataatsimeeqatigiissavaat, tamatumani ataatsimut soqutigisat, soorlu Issittoq nunanilu avannarlerni peqqinnissakkut suleqatigiinneq, oqaloqatigiissutigissalugit.
Nordisk Ministerrådimi siulittaasuuffik Islandip tigummivaa, islandillu ministeriunera David Gunnlaugsson ataatsimiititsisuussaaq.