Isumalioqatigiisitaq: Inuuniarnermikkut ajornartorsiutillit ikiorluarneqarnerussapput

Inuuniarnermikkut ajornartorsiutillit pillugit isumalioqatigiisitaq assigiinngitsunik pitsaaliuinermut tunngasunik isumaginninnermut ministerimut Manu Sareenimut Radikale Venstremeersumut siunersuuteqarput. Inuuniarnermikkut ajornartorsiutillit Danmarkimiittut katataasarnerat aaqqiiviginiarlugu pitsaanerusumik sulisoqarnissaa siunersuutigineqarpoq.

- Kisitsisit nutaat takutippaat Danmarkimi kalaallit inuuniarnermikkut ajornartorsiuteqartut 2 procentiinnaat atornerluinerat pissutaalluni katsorsarneqartut. Taamaattumik pitsaanerusumik sullinneqarnissaat pisariaqarpoq, Inuuniarnermikkut ajornartorsiutillit pillugit isumalioqatigiisitami siulittaasoq Jann Sjursen oqarpoq.

Tikilluaqqussutit
Siunersuutigineqartunut ilaavoq kalaallit pitsaanerusumik tikilluaqquneqartalernissaat, taamaasilluni pitsaanerusumik kiffartuunneqartalernissaat anguniarneqassammat.

- Inuit amerlasuut isumaqartarput Danmarki Kalaallit Nunaallu assigiimmik suleriaaseqartut, taamaanngilarli. Kulturikkut sullisseriaasikkullu assigiinngissuteqartoqarpoq. Aamma kalaallit Danmarkimut pisut pitsaanerusumik paasitinneqartariaqarput, Jann Sjursen oqarpoq.

Siunersuutigineqarput:

• Kalaaleq Danmarkimut tikippat paasissutissanik pinissanik pisinnaatitaaffeqarpoq
• Atornerluinermik katsorsarneqarnissamik pisinnaatitaaffik, inuttaanut naleqquttumik
• Ikiuinissamut periarfissiissutit amerlineqarnissaat
• Kalaallinik ikiuinermi ataavartumik sullisigineqarnissaat