Isuma: Kukkuneq anginerusinnaanngilaq, Nick

KNR-ip siulersuisuini arfineq-marlunnik ilaasortaqarput, ilaasortat marluk Naalakkersuisunit toqqarneqartarlutik. Toqqarneqartuni aappaa siulersuisuni siulittaasuuvoq.

KNR-imi siulersuisuni aaqqissugaanerat allanngortinniarlugu Naalakkersuisut inatsisissatut siunersuuteqarput.

Inatsisissatut siunersuut Inatsisartunit akuerineqassappat KNR-ip siulersuisuini tallimanik ilaasortaqalissaaq, sisamallu Naalakkersuisunit toqqarneqartassallutik.

Inatsisissatut siunersuut Sermitsiaq.AG-mi isummersortartup Henrik Lund-Andersenip isumaqatiginngilluinnarpaa.

- Nunani avannarlerni tusagassiortut assinganik iliuuseqarfigineqartartut Ilinniartitaanermut, ilageeqarnermut, kultureqarnermut naligiissitaanermullu Naalakkersuisoq Nick Nielsen oqarpoq, tamanna eqqunngilluinnarpoq! Naalakkersuisut KNR-ip siulersuisuini amerlanerpaat qinertassappassuk demokratiimik ingerlatsinermik paatsuuineruvoq, tamanna ilinniarluarsimasup takusinnaasariaqaraluarpaa. Tusagassiuutit politikkikkut susoqarneranik paarsisuusussaapput, demokraatiskimik ingerlatsisoqarnera misissugarisussaallugu, Henrik Lund-Andersen ilaatigut isummersornermini oqarpoq.

Isummersuutaa tamaat qallunaatuinnaq allaqqasoq uani atuarneqarsinnaavoq.