Namminersorlutik Oqartussat

Isumaginninnermut Aqutsisoqarfimmi Barlach Christensen pisortanngortinneqartoq

Hans-Peder Barlach Christensen februaarip aallaqqaataani Isumaginninnermut Aqutsisoqarfimmi pisortatut sulilissaaq

Hans-Peder Barlach Christensen februaarip aallaqqaataani Isumaginninnermut Aqutsisoqarfimmi pisortatut sulilissaaq

Namminersorlutik Oqartussat Isumaginninnermut Aqutsisoqarfimmik pilersitsinikuuvoq, taassuma kommunit isumaginninnermi suliassaqarfinni ikorfartussavaa.

Hans-Peder Barlach Christensen Isumaginninnermut Aqutsisoqarfimmi pisortatut toqqarneqarpoq, taanna februaarip aallaqqaataani sulilissaaq.

Namminersorlutik Oqartussat tusagassiuutinut nalunaarummi taama allapput.

Iliuusissat arlariit
Isumaginninnermut Aqutsisoqarfimmi arlalinnik iliuuseqartoqassaaq, suleriaatsit assigiissarneqarnerusut aammalu ilinniartitseqqittarnerit ilusilersorneqassapput, misilittagarilluarineqartunik avitseqatigiinnerit aaqqissuunneqassapput, qaraasiakkut periutsit inatsisinik toqqammaviliisut aqqutissiuunneqassapput, iliuusissanik periusissianik tamakkerlugu isiginnilluarsinnaaneruneq siunnerfigineqassaaq kiisalu pingaarnertut ilisimasalinnit qitiusunit ataavartumik ikiorneqarneq ikorfartorneqarnerlu aqqutigalugit siunnerfiit anguneqassapput.

Isumaginninnermut, Ilaqutariinnut, Naligiisitaanermut Inatsisinillu atortitsinermut naalakkersuisoq, Sara Olsvig, Hans-Peder Barlach Christensenip toqqarneqarnera qiimmatsaatigaa.

- Isumaginninnermut Aqutsisoqarfiup kommuuninik qanoq ikiuillunilu ikorfartuinissaa pillugu aallussisoqassammat, nuannaarutigaara Hans-Peder Barlach Christensen sulilersinnaqassammat, kommuuninut suliassani pineqartuni piffissami sivisuumi sulianik ingerlatsilluni suliassaqarfinnillu aallussisimammat, taanna tusagassiuutinut nalunaarummi oqarpoq.

Powered by Labrador CMS