Isumaginninnermi ikiortinngortut 13-it
Isumaginninnermi ikiortitut ilinniareerlutik naammassisut Perorsaanermi Ilinniarfimmi ilinniarsimanermut uppernarsaataat ullumi tallimanngornermi tunniunneqarput. Atit takukkit
Perorsaanermik Ilinniarfimmi Ilulissaniittumi ullumikkut nalliuttorsiualaartoqarpoq. Rektoriugallartup Andreas Ejlersenip isumaginninnermi ikiortinngorlaat ilinniarsimanermut uppersartaat agguaappai naammassisullu kalaallisut assuarlutik takkussimapput.
Isumaginninnermi ikiortinngortut qaammatini qulingiluani ilinniareerlutik allagartartaarput. Ilinniarsimanermullu uppersaataat aamma atorneqarsinnaapput perorsaatutut ilinniaqqinnissamut.
Kaffillerlutillu nuannapput
- Perorsaanermik Ilinniarfiup neriutigaa, amerlanerit maanga ilinniarfimmut uterumaartut bacheloritut perorsaasunngorumallutik aallartinniarlutik, Andreas Ejlersen oqarpoq.
Ilinniarsimanermut uppernarsaatit agguaanneqareermata kaffillertoqarpoq. Unnugu allagartartaarnersiorluni aamma nalliuttorsiortoqassaaq.
Ilinniakkamik naammassisut tassaapput:
Sofie Avike
Føbe Jakobsen
Erna Angubesen
Magdalina Martinsen
Ajaaja Fly
Cecilie Abelsen
Majken-Mona Jensen
Najannguaq Jensen
Maren Møller
Karla K. Schultz
Karina Jensen
Malina Skade
Sofie Petrine Brandt