Isuani qillerinerit siulliit takukkit

VIDEO: London Miningip Nuup Kangerluani saviminissaqarfimmi soqutiginnilernissaa ukiunik 40-nik sioqqullugu selskabi alla nunap ataani qillerivoq

Tuluit aatsitassarsioqatigiiffiat London Mining kinamiut aningaaseriviat naalagaaffimmit nakkutigineqartoq China Development Bank aningaasaliisorisinnaallugu, siulliunngiaq Kitaani Nuup Kangerluani Isuata eqqaani saviminissaqarfimmik soqutiginnilersimasoq.
Tamanna qanga filmiliami takuneqarsinnaavoq, taannalu online-mut ilineqaqqammerpoq. De Nationale Geologiske Undersøgelser for Danmark og Grønland - GEUS-ip filmi "Isuani saviminissamik qillerinerit siulliit" filmi ilaatigut nittartakkaminut ilaatigullu YouTube-kanaliminut ilisimavaa.
Saviminissaq 1965-imili nassaarineqarpoq Kryolitselskabet Øresund-imit, annertuumillu misissuinerit kingorna selskabip 1971-imi qillerinerit siulliit ingerlappai atorsinnaanera misissorlugu.
Filmimi Isuanut paasisassarsioriartornermut piareersarnerit annertuut malinnaaffigisimaavatit, aammalu saviminissamik, ilaatigut Sermersuup ataaniittumik, qillerinermi unammilligassat takusinnaavatit.
Lauge Koch aamma Kryolitselskabet Øresund
"Isuani saviminissamik qillerinerit siulliit" filmimi tigusat ilagiinnarpaat GEUS-ip online-mi takutitaasa. Allani sammineqarput Isuani saviminissamik sulineq, allami Kujataani Isortoq Kujallemri Kryolitselskabet Øresund-ip piareersaaneranit, ataaseq Lauge Kochip 1938-imi Tunumut ukiuni marlunni ilisimasassarsiorneranit.
Filmiliat GEUS-ip toqqorsivianit smalfilm-itoqaapput maanna digitalinngorlugit tamanut saqqummiunneqartut.
Filminit kipisat ujarassiuut ilisimasassarsiortarnerinit smalfilmiliaapput aammalu filmit Nunatsinni aatsitassanik ujaasisimasunit tamanut saqqummiunneqartut.
GEUS digitalinngortitsinermut atatillugu pisariaqartuinnarnik aaqqissuussisimavoq, assersuutigalugu filmit qilanaartuutit peerlugit.
Aamma GEUS-ip YouTube-kanalia takusinnaavat uani: http://youtube.com/user/GEUSgeology/videos
imaluunniit ilisimasassarsiornermit filmit uani: www.geus.dk/media/ekspeditionsfilm-dk.html

Powered by Labrador CMS