Issittoq
Issittup imartaani uuliasiornissamut qillerinissamut Clintonip Obamallu isumaat assigiinngillat
Issittumi uuliasiornissamut qillerinissaq Barack Obamamit isumaqatigineqartoq, Hillary Clintonip ernumanartutut isigaa
Issittup imartaani qillerinissanut Barack Obamap isumaanut isumaqataannginnini USA-mi præsidentissatut qineqqusaartup Hillary Clintonip marlunngorpat isumaqataannginnini saqqummiutissavaa.
Alaskap imartaani Shellip immap naqqani qillerinissamut Barack Obama ataasinngormat isumaqataareersoq, Hillary Clintonip taamaasilluni illuatungertussanngorpaa.
- Issittumi uuliasiornissamut qillerisarnerit aarlerinartuupput, pinngortitarlu allanit assigineqanngitsoq taamatut iliorfigissallugu aarlerinartoqartuaannassaaq, Hillary Clinton Twitterikkut allappoq.
Issittumilu qillerinerit pillugit apeqqummi Obamalu isumaat aatsaat taama assigiinngitsigaat.