tuttuaqqat

Issittumi uumasut milliartortut

Tuttut aamma pakkalussat silap kiatsikkiartornerani oqimaassusertik attassinnaanngikkaat

Tuttut neqaat milliartorpoq, ilisimatuut tamanna oqaatigaat (assi toqqorsivimmit)

Juullip inuata tuttuutai tuangaaramik juullip inua oqimaatsoq qamutinik juullimi ingerlassinnaajunnaaraaluunniit oqaluttuaq, nunarsuarmi inuit maanna quujasaarutigalugu aliikkutaraat.

Tamatumali oqaluttuap misissuineq nikallornartoq tunuliaqutaraa, tamatuma takutippaa, tuttut ukiut 20-t ingerlanerani malunnaatilimmik oqileriarsimapput.

Atuaruk: Unioqqutitsilluni tuttunniartoqarpoq

- Tuttut inersimasut 1994-imi inunngortut 55 kiilumit uumasut 2010-mi inunngortunut 48 kiilumut, tassa oqimaassusaat 12 procentimik annikilleriarsimavoq, misissuinermi Skotlandimiut The James Hutton Institutep suliarisaani tamanna atuarneqarsinnaavoq.

Allatut oqaatigalugu, tuttut piffissami tassani ilisimatusartut norskit qeqertaanni Svalbardimi misissorsimasaat malunnaatilimmik millisimapput.

Silap pissusiata allanngoriartornera pissutaatinneqarpoq
Tuttut oqilinerannut pissutaasut pingasuusut, ilisimatuut isumaqarput. Pissutaaqataasut tamarmik silap pissusiata allanngoriartorneranut attuumassuteqarput.

Siullermik aasaq oqquarnerusoq piffissami sivikitsumi nerisassaqartitsinerusarpoq, tamannalu arnavissat piaqqiornerunerannik kinguneqarpoq.

Atuaruk: Sunngiffimmi pinialuttartunut tuttuttassaat ikinnerutut

Illuanik kiannerunera siallernerulersitsisarpoq, sialullu aputip qaani qerigaangat tuttut nerisassaminnut kiliuisinnaaneq ajorput. Tuttut perlilernerannik aamma piaqqaminnik annaasaqarnerminnik imaluunniit mikinerusunik piaqqiornerannik kinguneqartarpoq.

Tuttut amerlassusaat oqilinerannut ilisimatuut pissutaasut pingajorigaat isumaqarput. Tassami amerleriarput, tamatumalu nerisassarineqartut unammillissutaanerunerannik kinguneqarpoq.

Sialuk ajornerpaasoq
Sialummilli sermeq ilisimatuut ernumassutiginerpaavaat.

Atuaruk: Tuttunniartarnermut malittarisassat nutaat najukkami politikerit isornartorsiorpaat

- Ukiuni qulikkaani tulliuttumi tuttut mikisut amerlanerulissasut ilimanarpoq, kisianni nunami sermip annertusinera pissutigalugu aamma ikinneruleratarsinnaapput, professor Steve Albon på James Hutton Instituttetip nittartagaani oqarpoq.

Pakkalussat aamma milliartorput
Issittumi uumasoq aamma alla kiannerani oqimaassutsiminik attassinaveeqqavoq. Tassani pakkaluaq Nunatsinneersoq, Aarhus Universitetimi ilisimatusartut ukiuni qulikkaani marlunni malinnaaffigisimasaat pineqarpoq. Taakku misissuinerat Biology Lettersimi aamma Greenland Todayimi eqqartorneqarpoq.

Powered by Labrador CMS