universitetit
Issittumi universiteteqarfiit Nuummi katersuutilersut
Issittumi universiteteqarfinniit aallartitat 80-t ulluni makkunani Nuummi katersuupput. Taakku Issittumi ilinniartitaanerup ilinniartunilli paarlaaqatigiinnermut suleqatigiinnerup qanoq nukittorsaavigineqarsinnaanera eqqartussavaat.
Ilisimartusarfik ataatsimiinnermi aaqqissuisuussaaq, ataatsimiinneq universitetit attaveqarfiannit University of the Arcticimit ingerlanneqassalluni.
Attaveqarfissuaq
Attaveqatigiinnermi universitetit 143-t peqataassapput, Issittumi suleqatigiilluni ilisimatusarnerit ilinniartitaanerulli siuarsarneqarnissaa taakku siunertarissavaat.
- Issittumi ilinniartitaanerup ineriartortinneqarnissaa pingaaruteqarluinnarpoq. Taamaammat universitetit nunarsuatsinneersut sumiiffitsinni ilinniartitaanerup ineriartortinnissaanut eqqartueqatigiinnissamut Kalaallit Nunaanut tikilluaqquvagut, Ilisimatusarfimmi Rektoriungallartoq Suzanne Møller oqarpoq.
Peqataasut
University of the Arctic ataatsimiinneq aggustip 14-niit 17-at ilanngullugu Nuummi Hotel Hans Egedemi ingerlanneqassaaq. Peqataasut ilaatigut ukunanngaanniissapput Canada, Kina, Danmark, Finland, Tyskland, Kalaallit Nunaat, Island, Norge, Rusland, Sverige, aamma USA.