Hus forbi
Issittumi Siunnersuisoqatigiit ataatsimiinnissaat Savalimmiuni ingerlanneqassaaq
Kalaallit Nunaata Issittumi Siunnersuisoqatigiit mattuppai. Siunertaavoq sunniuteqarnerulernissaq, Naalakkersuisunut ilaasortaq Steen Lynge oqarpoq
Kalaallit Nunaat peqataannginnissaminik aalajangernermi kingorna Issittumi Siunnersuisoqatigiit ataatsimiittarneranni annertunerusumik sunniuteqarniarluni qanorpiaq iliuuseqarniarnersoq ersarinngilaq. Sara Olsvigilli, IA, apeqqutaanut, taassuma apeqqutigimmagu Naalakkersuisut siulittaasuata Aleqa Hammondip, Siumut, Sverigemi Kirunami ataatsimiinnermik mattussinerata kingorna Kalaallit Nunaata Issittumi Siunnersuisoqatigiinni inissisimanera, Naalakkersuisut siulittaasuata tullia Steen Lynge, Atassut, akivoq siunertaasoq annertunerusumik sunniuteqartalernissaq.
Aamma atuaruk: Kslaallit Nunaat peqataava avataaniippaluunniit
Aamma atuaruk: Mattussinermut Sverigep Danmark pisuutippaa
Aamma atuaruk: Matut matoqqatillugit isumaqatigiinniartoqarpoq
AMAP-gruppip, Issittumi nakkutilliinermik suliaqartup, ataatsimiinneranik Kalaallit Nunaat ingerlatsisuusussaagaluarpoq. Kalaallit Nunaata mattussinerata kingorna ataatsimiinnissaq tamanna Savalimmiut tiguaat.
Steen Lynge Sara Olsvigimut akissummini oqarpoq Issittumi Siunnersuisoqatigiinni Kalaallit Nunaata peqataanini unitsikkallaraa, taarsiullugulu Issittumi Siunnersuisoqatigiit allattoqarfiannit paasissutissinneqartassalluni.
Sara Olsvig isumaqarpoq Issittumi Siunnersuisoqatigiinni sulinerup unitsikkallarneqarnera kukkunerujussuusoq, tamanna akerlianik sunniuteqassammat, tassa Kalaallit Nunaat sunniutaarutissalluni. Allaaserisaq Sermitsiami atuaruk.