Issittumi Siunnersuisoqatigiit

Issittumi Siunnersuisoqatigiinni USA siulittaasunngorpoq

Canadami Iqalunni Issittumi Siunnersuisoqatigiinni siulittaasuuffik allamut tunniunneqarpoq

USA-p nunanut allanut tunngasunut ministeriata John Kerry-p kingullermik Issittumi Siunnersuisoqatigiinni ataatsimeersuarnermi Kiruna-mi nalunaarut atsiorpaa (assi toqqorsivimmit 2013)

U.S. Department of State

Nuka Jørgensen

tallimann 24. apr 2015 17:55

Annonse

Tallimanngormat unnukkut nunatta nalunaaqutaa malillugu nalunaaqutaq 18.25 Issittumi Siunnersuisoqatigiinni siulittaasuuffik pisortatigoortumik USA-mut tunniunneqarpoq.

Ukiuni marlunni Leona Aglukkaq Issittumi Siunnersuisoqatigiinni siulittaasuusimavoq, unnullu taanna kaataq, ataatsimeersuarnerni siulittaasup nerrivianiittartoq, siulittaasup nikinneranut takussutissatut USA-p nunnut allanut tunngasunut ministerianut John Kerry-mut tunniuppaa.

Nalunaarut atsiorpaat

Siulittaasuuffiup tunniunneqannginnerani naalagaaffiit ilaasortat arfineq pingasut Canadap, Danmarkip, Finlandip, Islandip, Norge-p, Ruslandip, Sverige-p USA-llu ukioq manna ataatsimeersuarnermit ataatsimut nalunaarut, Iqalunni nalunaarut, atsiorpaat. Isorinnittut neriuutigaat Issittumi Siunnersuisoqatrigiit avatangiisinut politikki siusinnerusumit pingaartinnerussagaat.

Tallimanngormat unnukkut Twitter-imi assit tweets-illu takuneqarsinnaapput, ilaatigut Vincent Rigby-mit, taannalu Canada-p Issitttumi Siunnersuisoqatigiinni siulittaasuunerani qaffasissumik atorfiliusimavoq.