issittumi nunat
Issittumi Siunnersuisooqatigiit inuusuttunut suliniutit nukittorsarniarpaat
Issittumi avatangiisinut tunngasunik meqqanut angajulliunerusunut ilinniartitsissutissanik atuakkiortoqassaaq
ICC-p KalaallitNunaanni siulittaasuaHjalmarDahl Issittumi Siunnersuisoqatigiinni oqartussaanerpaat Alaskami ataatsimiinneranni peqataaqqammerpoq.
Siunnersuisoqatigiinni oqartussaanerpaat SAO-nik taaneqartartut Issittumi Siunnersuisoqatigiinni ilaasortat naalagaaffiit arfineq pingasuusut toqqagaraat.
Ilinniartitsissutissat
Ataatsimiinneq sioqqullugu Issittumi Nunat Inoqqaavi pillugit Allaffeqarfiup (IPS) siulersuisui ataatsimiipput, Hjalmar Dahlip ilaasortaaffigisaani, ataatsimiinnermilu Alaskami inuusuttoq Aleutineersoq IPS-imi sulinermik pikkorissarluni ilaavoq, tamanna Issittumi Siunnersuisoqatigiit inuusuttunut meeqqanullu tunngasunik arlalinnik suliniuteqarniarneranut tulluarpoq, Siunnersuisoqatigiimmi oqaluuserisaat arlallit taakkununnga tunngapput.
- Suliniutit pissanganartut ilaat tassapput issittumi avatangiisit pillugit ilinniartitsissutissanik atuakkiortoqarnissaa. Atuakkiassaat taakku meeqqanut annernut tulluarsagaassapput. Nunat inoqqaavisa sinniisaat peqataasut issittumi avatangiisit pillugit ilinniartitsissutissat suliarinerini piviusumik peqataanissartik pingaartinneqartariaqartoq kissaatigaat, Hjamar Dahl tusagassiuutinut nalunaarummi allappoq.
Siunissami siuttussat
Ataatsimiinnermi sammineqartut ilaat tassaavoq 'Future Arctic Leaders' – 'Siunissami Issittup Siuttussai'. Oqaluuserisaq taanna ICC-p Saamillu Siunnersuisoqatigiivisa suleqatigiinnerannut tulluartorujussuuvoq.
Piukkunnarsaanissaq siulleq pissaaq Nuummi novemberip aallartinnerani sapaatip akunnera sinnerlugu sivisussuseqartussaq. Piukkunnarsaanissaq tulleq upernaaru martsimi aprilimiluunnit Finlandimi illoqarfimmi Inarimi ingerlanneqassasoq ICC-p nalunaarutigaa.