Issittumi Sakkutooqarfimmi pisortaq nutaaq

Oberst Kim Jesper Jørgensen februaarip 15-ni generalmajoritut atorfinitsitaassaaq aamma ullormi tassani Issittumi Sakkutooqarfimmi pisortanngussaaq, Forsvaret.dk taama ilisimatitsivoq.

Sakkutuut timmisartui
Kim Jesper Jørgensen, 53-nik ukiulik, Illersornissamut Ministeriaqarfimmi Issittumi immikkoortortaqarfimmi pisortatut suliffimmit nuuppoq.

Video: Knud Rasmussen Kujataani sikumik aserorterisoq takujuk

Kim Jesper Jørgensen sakkutuut timmisartortartuineerpoq aammalu taassuma timmisartortartutut ilinniarfittaani ilaatigut pisortaasimalluni, aamma sakkutuut Issittumi iliuusitik qaffassarsinnaanerannik suliaqarsimalluni.

Ukkassinerulerneq
- Nuannaarutigaata Kim Jesper Jørgensen Issittumi Sakkutooqarfimmi pisortatut nutaatut tikilluaqqusinnaagakku. Kimi issittumi immikkoortortaqarfimmi pisortatut sulinermini Issittumi ilisimasaqarluarpoq, aammalu Sakkutooqarfiup avannaani unammilligassaat ilisimalluarpai. Piffik siunissami ukkatarineqarnerulertussaq, Sakkutuut pisortaat general Peter Bartram, Forsvaret.dk naapertorlugu oqarpoq.

Soraarninngortoq
Kim Jesper Jørgensenip generalmajor Stig Østergaard Nielsen taarserpaa.

Oktobarip naanerani generalmajori Issittumi Sakkutooqarfimmit soraarninngorpoq, taanna 2012-imili pilersinneqarnerani pisortaasimavoq.

Aamma atuakkit:

Forsvarsministerip Issittumi sakkussiornissaq kinguartippaa

Nunatsinniititaqarnissamut sungiusarsimanermik atortunillu amigaateqartoq