militært møde

Issittumi pisortaanerit Ilulissani ataatsimiissapput

Illersornissamut pisortaq, sakkutuut naalagaat Peter Bartram ataatsimiititsisuuvoq issittumi naalagaaffiit arfineq-pingasut illersornissamut pisortaat ulluni makkunani Ilulissani ataatsimiinneranni, tamatumani issittumi suleqatigiinnerup ineriartortinnissaa oqaluuserineqarluni

Qallunaat illersornissamut pisortaat, sakkutuut naalagaat Peter Bartram illersornissamut pisortat Ilulissani ataatsimiinneranni ataatsimiititsisuuvoq.

Qallunaat illersornissamut pisortaat, sakkutuut naalagaat Peter Bartram, Ilulissani ataatsimiinnermi ataatsimiititsisuuvoq, ullumi marlunngornermi aqagulu pingasunngornermi issittumi naalagaaffiit arfineq-pingasut - Norgep, Sverigep, Finlandip, Islandip, USA-p, Canadap, Ruslandip Danmarkillu - illersornissamut pisortaasa ataatsimiinneranni.
Ataatsimiinnermi illersornissamut pisortat oqaloqatigiissutigissavaat nunat arfineq-pingasut sakkutuuisa akornanni suleqatigiinnerup ineriartortinnissaanut periarfissat, inuiaqatigiinni inuinnarni suliassat aaqqinneqarnissaannut atatillugu, taamatut paasissutissiipput sakkutuut.
Issittumi suleqatigiinneq ineriartortillugu
Illersornissamut pisortat ilaatigut oqaloqatigiissutigissavaat issittumi angisuumi nakkutilliinermik suleqatigiinneq aammalu atortussanik imminut tapersersornissamik periusissat, pissutsinik naammattuugaqaraangat nunat ataasiakkaat namminneq naammassisinnaanngisaannik. Pisortat aamma oqaloqatigiissutigissavaat ataatsimut sungiusartarnissamik periarfissat aammalu sakkutuuni inuinnarnilu oqartussaasut suleqatigiinnerisa ineriartortinnissaat, assersuutigalugu ujaasinernut annaassiniarnernullu imaluunniit ajutoornerit ajunaarnersuillu iliuuseqarfigineqartarnissaannut atatillugu.
Pilersaarutit malillugit marlunngorneq aallarnerneqassaaq umiarsuarmik alapernaarsuummik Knud Rasmussen-imik angalanermik. Angalaallatsiarnermi prins Joachim peqataasut ilagaat.

Powered by Labrador CMS