akisuallaartoq
Issittumi misissuinissamit nutaamit Shell tunuartoq
Nunarsuarmi niuernermi uuliap akia appariartorpoq, Shellillu nalunaarutigaa, Issittumi Norgep eqqaani suliniummut nutaamut aningaasaatikippallaarlutik
Norge uuliamik aamma gasimik ujaasinissamut akuersissutinik nutaamik tuniniaanermigut, pisuussutinik ujaasinermi Ruslandimut qanilliartortussaagaluarpoq.
Shellilli tunuarnerata kingorna tamanna unikaallappoq.
Reutersimi atuaruk: Shell pulls out of Arctic-focused exploration oil licensing round in Norway
BG Group 2016-imi tigunerata kingorna, Shelli aningaasanik amigaateqarnera tamatumunnga nassuiaatigineqarpoq, aammalu nunarsuarmi uulia maanna akikitsumik sananeqartarmat.
Uulia akikinnerusoq
- Shellip BG pisiarinerata kingorna nunarsuaq tamakkerlugu ingerlataanut pitsanngorsaaneranut aalajangerneq ilaavoq, ingerlatsiviup Norgemi immikkoortortaqarfia Reuters naapertorlugu taama oqariartuuteqarpoq.
Norgeli Shellip pingaarnertut suliaqarfigiinnarneqarnissaa neriorsuutigineqarpoq.
Norgep Issittumut tunngasuni akuersissutinik tuniniaaneranit Shell tunuarpoq, suliffeqarfiup qillerinerit 2017-imi aallartinnissaanik naatsorsuuteqarlutik oqariartuuteqarneranit qaammat ataaseq qaangiuttorlu tamanna pivoq.
Suliniutit allat ulorianartorsiortut
Tamanna Avannarlermi aatsitassaqarnermut immikkoortuanut eqquivoq.
Danmarkimi suliniutit annertoorsuup nutaap Hejremi uuliaqarfimmi ingerlanneqarnera qanittukkut unitsikkallarneqarpoq, aamma Nordsøenimi Tyra-felti ukiut arlaqanngitsut qaangiuppata atortut nutaanngitsut ilaat taarserneqanngippata matunissaminut ulorianartorsiorpoq, tamannalu milliardit koruunerpassuarnik akeqarpoq.
Atuaruk: Tusagassiorfik: Obamap Issittumi uuliamik qillerinissat unitsinniarpai
Aatsitassat pillugit allaaserisat tamaasa uani atuakkit