inatsisit nutaat
Issittumi imaatigut angallanneq isumannaannerulissaaq
Immakkut angallannermi malittarisassat ukiuni arlaqartuni isumaqatiginninniutigineqareertut nuannaarutigineqartumik isumaqatigiittoqarpoq
FN-ip immami angallannermi isumannaallisaanermut aqutsisoqarfiata Issittumi immakkut angallannerup malittarisassai akuereqqammerpai. Taamaasilluni ilaasortaatit Issittumi angallattut annertunerusumik isumannaallisaanikkut malittarisassaqalissapput.
Søfartstyrelsen nalunaarpoq.
Ukiuni arlaqartuni tamanna isumaqatiginninniutigineqarpoq. Issittumi ilaasortaammik ajutoortoqassappat annanniutit, sumiissusersiutit, sulisunik ilinniartitsinerit assigisaallu ingerlanneqartalissapput.
Ilaasortaatit nunatsinnukartut
FN-ip immakkut angallannermi isumannaallisaaneranut aqutsisoqarfiata Danmarkip kunngeqarfiata eqqartorneqarnissaa pingaartissimavaa. Issittumi Issittumilu kujallermi umiarsuarnik angallannerit isumannaallisaanikkut malittarisassanik sukaterisoqarpoq. Danmarkip pingaartissimavaa ilaasortaatit Kalaallit Nunaannukartartut isumannaallisaanerat annertunerulissasoq. Issittumimi angalanermi annaassiniuutit allaanerusariaqarput sikoqaqimmat, kiisalu umiarsuarni sulisorineqartut immikkut aamma Issittumi angalanissanut tunngatillugu sungiusartinneqartalissallutik. Malittarisassat Kalaallit Nunaanni atuuttut, immakkut angallannermi inatsisinut atuuttuni assingullutik, Søfartstyrelsen tusagassiutinut nalunaaruteqarpoq.
Inatsisinik aamma allanik ukiaru sukaterisoqassaaq. Tassani avatangiisit pillugit inatsisinik allannguisoqassalluni.