nunatsinnit
Issittumi ilisimatusarnermut millioni koruunit arlaqartut tunniunneqartut
Ph.d.-mut postdoc-stipediatitut immikkut atuaqqinnissumut qinnuteqartoqarsinnaalerpoq. 10 million koruunit ph.d.-stipediatinut pingasunut kiisalu postdoc-spidentiatinut atorneqassallutik
Danskit naalagaaffiata akiligaanik ph.d.-mut immikkut atuaqqittussat marluk akilissavaat kiisalu ataaseq postdoc-imi Arktisk Forskningimi atorfeqalissalluni. Namminersorlutik Oqartussat ph.d.-mik ilisimatusarnermik atuaqqittussaq akilissavaat.
Kalalliit Nunaata Danmarkillu ilisimatuussutsikkut ilisimasaqarnerat annertusarneqassaaq, inuusuttullu amerlanerusut ilisimatusarnernut ilanngunneqartalissallutik. Grønlands Forskingsrådip qinnuteqartut nalilersortassavaat Pinngortitaleriffiullu allaffissorneq ingerlatissallugu.
- Ukioq kingulleq 42-nik qinnuteqartoqarpoq. Taama soqutiginnittoqartiginera nuannaarutigaarput. Kalaallit Nunaanni ilisimatuussutsikkut misissuisarnerit soqutigineqarluartut takuneqarsinnaavoq. Kalaallit Nunaat pillugu ilisimatusarneqarnissaa nunatsinni pingaaruteqarluinnarpoq, taamaattumik immikkut ilinniaqqinnissat aamma pingaaruteqarluinnarput, Pinngortitaleriffimmi pisortaq Klaus Nygaard oqarpoq.
Immikkut ittumik ilinniaqqittarnerit 2013-imi aallartinneqarput, 2012-imi ataatsimiititaliarsuup Videnskabelige Undersøgelser i Grønland matuneqarmalli.
Ilisimatuussutsikkut ilinniaqqinnernut qinnuteqartoqarsinnaalerpoq, aamma pinngortitamik ilisimatusarnerup avataatigut ilinniaqqinniartut qinnuteqarsinnaapput.
Kingusinnerpaamik apriilip 15-ani qinnuteqartoqarsinnaavoq, qinnuteqaammut immersugassat www.natur.gl-imut aaneqarsinnaapput.