atuineq

Issinnera nammineq aningaasaqarnermut akisusarpoq

Siorna kiassarnermut aningaasartuutit amerleriarput

Naak 2015-ip ingerlanerani Nunatsinni kiarujussuartarnera nalunaarutigineqartaraluartoq, ilaatigut Qaanaami 20,4 gradinik kiassuseqarmat aatsaat taama kiatsigisoq nalunaarsorneqarpoq, taamaakkaluartoq ukioq ataatsimut isigalugu nalinginnaasumit nillerneruvoq.

Tamannalu kiassarnermut missingersuutitigut nammineq aningaasaqarnikkut malugineqarsinnaavoq.

- 2015-imi illumi ataatsimi agguaqatigiisillugu nukissiuutinik atuineq 101 GJ-miippoq, nukimmillu atuinermut aningaasartuutit 90 procentii kiassarnermut akiliutigineqartarput, Naatsorsueqqissaartarfik ilisimatitsivoq, 2015-imi nukissiuutinik atuinerup katinneri ullumi tassani saqqummiunneqarput.

Angerlarsimaffiit nukissiitinik atuinerup tamakkiisup 30 procentianik atuisuupput, angerlarsimaffinnilu nukissiuutinik atuinermut aningaasartuutit kiassarnermut akiliutigineqartarput.

Naatsorsueqqissaartarfimmit saqqummersinneqartut nukissiuutinit atukkat saniatigut silaannaap pissusaanut naleqqussaareernermi atukkat siullerpaamik kisitsisitigut paasissutissiarineqarlutik saqqummersinneqarput. Kisitsisillu taakku qiviaraanni avatangiisinut sianiginnittunut tamarmik nersualaagassaapput.

Naak CO2-mik aniatitsineq tamakkiisoq siorna annertuserialaaraluartoq, silaannaap pissusaanut naleqqussaareernermi atukkat kisitsisaasa takutippaat, ukiuni ineriartorneq ingerlareersoq, suli ingerlasoq; tassa CO2-mik aniatitsineq annikilliartuinnavippoq. 1990-imili aniatitsineq 18 procentit sinnilaarlugit appariaateqarpoq.

Powered by Labrador CMS