aalassassimaarneq

Isornartorsiuisoqarnera Siumumit oqaaseqarfigineqarumanngitsoq

Siumumi ilaasortap Karen Motzfeldtip partiiminut isornartorsiuinera partiip allaffissornikkut pisortaanit qisuariarfigineqarumanngilaq

Siumup allaffissornikkut pisortaa, Mikael Petersen

Siunissamut isigalugu sulivugut, pisimasut oqaaseqarfigineqassanngillat.

Siumut tunuliaqutaralugu Folketingimut qinigassanngortittut pillugit Sermitsiaq.AG-ip paasiniaaffiginiaraluarpaa, Aleqa Hammondip qinigassanngortinnera qanoq isumaqarfigineraat.

Inatsisartunummi qinigassanngortissimasup Karen Motzfeldtip Aleqa Hammondip qinigassanngortinnera isornartorsiorpaa.

- Qinigassanngortittunit oqaaseqarfigineqarusunngilaq. Aamma nalilersorusunngilarput, pisariaqartinngilarpummi. Karen Motzfeldt partiimi ilaasortaavoq, isummersornissaminullu pisinnaatitaaffeqarluni, Siumup allaffissornikkut pisortaa Mikael Petersen oqarpoq.

Isornartorsiuisoqarnera qisuariarfigineqanngilaq
Siumup siulittaasua Kim Kielsen aamma oqaaseqartinniarneqaraluarami qisuariaateqanngilaq. Mikael Petersenip oqariartuutigereerpaa, Kim Kielsenip Aleqa Hammondip qinigassanngortinnera oqaaseqarfigissanngikkaa.

Aleqa Hammond naalakkersuisuugallarami aningaasanik amerlanerusunik atornerluisimasoq maajimi saqqummiunneqarpoq.

Powered by Labrador CMS