tunisassiorneq
Isornartorsiuineq: Great Greenlandip pisisartuni salloqittarpai
Great Greenlandip taskit atortullu allat tuniniarpai meqqilerlugit 'Made in Greenland in harmony with nature'. Tunisassialli tamakkua Kalaallit Nunaanni tunisassiarineqanngillat. Salloqittaalluni ussassaarisoqartoq, Atuisartunut unammillernermullu aqutsisoqarfik oqarpoq. Great Greenlandimit taamatut oqartoqarnera ilumuunnginnerarneqarpoq
'Made in Greenland in harmony with nature' Great Greenlandip taskinik
aningaaserivinnik allanillu tunisassiani taamatut angisuumik meqqilerlugit tuniniarpai. Piviusulli imaapput, taskit atortullu allat, Great Greenlandip Kalaallit Nunaanni tamarmi tuniniagaasa ilarparujussui nunani allani tunisassiarineqartarmata, tamannalu tunisassiap iluani meqqeeqqami takuneqarsinnaavoq.
Tamannali naammanngilaq, Atuisartunut Unammillernermullu Aqutsisoqarfik isumaqarpoq.
Great Greenlandimi isumaqarput salloqit- taalluni ussassaarisoqanngitsoq, tunisassiammi iluani allassimammat tunisassiaq sumi tunisassiarineqarsimanersoq. Great Greenlandillu meqqianik angisuumik 'Made in Greenland'-imik allagartalimmik meqqilerneqarsimanerat ajornartorsiutaanngitsoq pisortaq Lars Berg isumaqarpoq.
Allaaserineqartoq aviisimi Sermitsiami tamaat atuarneqarsinnaavoq. Aviisi uani pisiarineqarsinnaavoq: