Pisuussutinik ujaasisartut
Islandip qanitaani nazistit kuultiutaanik nassaartoqarunarpoq
Umiarsuaq SS Minden 1939-mi Islandip sineriaani umiisimavoq, ilimagineqarporli kuultit tonserpassuit usigisimassangai
Tuluit pisuussutinik ujaasisartut boksimik nalilimmik, tyskit umiarsuaataat Islandip sineriaani umiiarsimasumit, nassaarsimapput, boksilu nazisitit kuultiutaanik 100 millioni pundinik (830 millioni koruunit) naleqarnissaat, taakku neriuutigaat
Tuluit nunaani nutaarsiassaqartitsivii arlallit, ilaatigut The Daily Mail, allaaserinnipput.
Massakkulli tuluit taakku islandimiut naalakkersuisuinut boksip imarisai misissorumallugit umiarsuup putunissaanut akuersissummik qinnuteqarput.
Tuluit suliffeqarfiutaat Advanced Marine Service boksimik nassaartuupput. Tusagassiiviillu aallavigalugit nassaarineqartoq aatsitassanik nalituunik 4 tonsinik imaqassangatinneqarpoq.
Umiarsuup SS Mindenip 1939-imi umiisup kuultit iluaniittutut ilimagineqarput, kuultillu taakku amerika kujallermi aningaaserivianinngaanneersuupput.
/ritzau/