Islandimi sinniisoqarfik
Islandimut attaveqatigiinneq nukittunerusuoq
Kalaallit Islandimi sinniisoqalernissaat Inatsisartut tamarmik isumaqatigiissutigaat. Ukiumut 2,5 mio koruunit aningaasartuutigineqartussat ernumassutigineqanngillaq. Naamerluinnaq.
Islandimik suleqateqarnerup nukittorsarneqarnissaanut iluaqutissartai amerlaasuujusut, inatsisissatut siunnersuummi ersersarneqarpoq, tamannali ataatsimititaliap tamakkiisumik taperserpaat – kingullermik siunnersuutip aappassaaneerneqaranerani taama pisoqarpoq.
Attaveqatigiinneq
- Taamaasilluni Reykjavik-imi sinniisoqarfik Naalakkersuisut aamma allaffissornikkut ingerlatsisut pingaartitaannut, nukissaanut piginnaasaannullu naapertuullutillu atassuserneqassasut peqataasinnaallutillu Island-imit suleqatigiinnerit pioreersut aserfallatsaalinissaannut, kiisalu peqataaqataassalluni Island-imut pingaarutilittut naalakkersuinikkut niuernikkullu attaveqarnerit ineriartorteqqinnissaannut nukittorsarnissaannullu, tamakku naatsorsuutigineqarput Kalaallit Nunaannut inuiaqatigiit aningaasarsiorneratigut iluaqusiisinnaasutut, inatsisissatut siunnersuummi taama allassimasoqarpoq.
Birna Brjánsdóttirimut toqutaasimasumut suliami angut inuusuttoq kalaaleq toqutsisimasutut tigummigallarneqarnerata nalaani paasinarsisimavoq, Nunanut allanut ministeriaqarfiup innuttaasunut kiffartuussiviata aamma Danmarkip Reykjavik-imi naalagaaffiit oqaasissaqartitaminnut naalagaaffinni allani aallartitaqarfiata suliaq kivissinnaasimanngikkaa innuttaasut kalaallit kiffartuunneqarnerinut tunngatillugu tassunga ilanngullugit oqalutsinik ikiorsiisinnaanermut aamma Kalaallit Nunaanni qanigisanut attaveqarnermut tunngatillugu, inatsisissatut siunnersuummi tunngavilersuutitut allassimasoqarpoq.
- Taamaasilluni Reykjavik-imi sinniisoqarfik Naalakkersuisut aamma allaffissornikkut ingerlatsisut pingaartitaannut, nukissaanut piginnaasaannullu naapertuullutillu atassuserneqassasut peqataasinnaallutillu Island-imit suleqatigiinnerit pioreersut aserfallatsaalinissaannut, kiisalu peqataaqataassalluni Island-imut pingaarutilittut naalakkersuinikkut niuernikkullu attaveqarnerit ineriartorteqqinnissaannut nukittorsarnissaannullu, tamakku naatsorsuutigineqarput Kalaallit Nunaannut inuiaqatigiit aningaasarsiorneratigut iluaqusiisinnaasutut, tunngavilersuummi taama allassimasoqarpoq, ataatsimiititaliamilu politikkerit tamarmiullutik isumaqataaffigaat.
Suleqatigiinneq pitsaasoq
Aalisarnermut- peqqissutsimut- uumasunulli nakorsaqarnikkut suleqatigiinnerit pitsaasut pioreerput. Nunat taakku suleqatigiiffigisaat arlaqarput - soorlu attaveqatigiinnermut tunngasut, tassani timmisartuussinermik suleqatigiinnerit aallartinneqarsimallutik.