timmisartuutileqatigiiffik
Islandimit Kalaallit Nunaannut timmisartukkut aqqut matuneqarpoq
Timmisartuutileqatigiiffiup Air Iceland Connectip sipaarniarnini pissutigalugu Kangerlussuarmut timmisartuussisarnini atorunnaarsippaa
Timmisartuutileqatigiiffiup Keflavikimit Akureyrip tungaanut aamma timmisartuussisarnini taamaatikkaa, check-in.dk allappoq.
Sipaarniartoqarnera pissutaalluni timmisartuutileqatigiiffiup sulisui 250-it suliffitik paarissaneraat suli nalunarpoq.
Aberdeenimut Belfastimullu timmisartuussinerit unitsinneqarput. Timmisartuussiffigisarsimasat sisamat matuneqarneri Air Iceland Connectip kaaviiaartitaasa 7 procenteraat.
Nunatsinnut tunngasunut Air Iceland Connect ungasinngitsumi atorfinitsitsivoq, tassani Anika Krogh atorfinitsinneqarluni.
Timmisartuutileqatigiiffik Nuummut ukioq kaajallallugu timmisartuussisarpoq. Kulusuk, Ilulissat Nerlerit Inaat kiisalu Keflavikimit Narsarsuarmut aasaanerani timmisartuussisarluni.