Timmisartuussineq
Islandimit Kalaallit Nunaanniillu 2016-mi angalasoqarnerulissaaq
Nunani avannarlerni takornarialerinermut nittarsaassinermi Vestnorden Travel Martimi Savalimmiuni ingerlanneqartumi Iceland Airip Air Greenlandillu angallassinerusalernissartik saqqummiutissavaat
Islandimiut timmisartuutileqatigiiffiat Air Iceland aamma Air Greenland aappaagu timmisartuussinerusalernissartik saqqummiuppaat.
Tassami Islandimi mittarfeqarfiit anginersaanni Keflavikkimiittumit Ilulissanut timmisartuussisoqartalissaaq.
- Kalaallit Nunaannut timmisartuussisarnerit pitsaanerujartulerput. Kangerlussuarmi takornariaqarnerulerpoq, taamaattumik amerlanerusunik suli takornariaqalernissaanik sullissinissarput qilanaaraarput, Air Icelandip pisortaanera Árni Gunnarsson oqarpoq.
Islandimit timmisartumik ilaasartut aamma amerliartuinnavipput, tassami Keflavikimit Ilulissanut timmisartuussinerit 14 procentimik amerleriaateqarput, Nuummullu 9 procentinik amerleriaateqarlutik.
- Islandimit Kalaallit Nunaannut angalatitsisalernissat soqutigineqartorujussuupput. Ilulissanut timmisartuussinerusalernissat soqutigineqarnerpaavoq, Air Greenlandimit Anika Krogh oqarpoq.
- Nuummut, Ilulissanut Keflavikkimullu timmisartuussisoqartalernissaa periarfissarpassuarnik ammaassaaq. Ullaakkut timmisartuussisoqartarnissaa aalajangerparput, taamaasilluni angalaqqinnissanut piffissaqartoqarsinnaaniassammat, oqarpoq.