Islandimi qinikkat Pia Kjærsgaard peqatigerusunngikkaat

Islandimi qinikkat arlallit Pia Kjærsgaardip oqalugiarnissaanut akerliullutik Islandip namminiilivinnerata nalliuttorsiutigineqarneranut peqataanngillat

Dansk Folkepartip pilersitsisuata Pia Kjærdsgaardip Islandip namminiilivinnerani ukiut 100-nngornerisa nalliuttorsiutigineqarnerani oqalugiarnissaa Islandimi qinikkat arlallit eqqarsanartoqartippaat.

Nalliuttorsiorneq Thingvellirimi ippassaq pingasunngornermi pivoq. Islandip aamma Danmarkip akornanni Islandip namminiilivinnissaanut isumaqatigiillutik aalajangersakkamut atsioqatigiinnerannut taanna ullorsiorferaa. Pia Kjærdsgaard Folketingimi siulittaasutut oqalugiarnissaminut qaaqquneqarsimavoq. Kisianni islandimiut politikeriisa arlallit tamanna iluarinngilaat.

Inunnik takornartanik assuarinninneq isornartorsioraa

Piratpartietip Pia Kjærdsgaardip isummersuutai ammip qalipaataanik immikkoortitsisutut paasivaat.

- Europami takornartanut assuarinninnermut inuit qitiusut Altingimut Thingvellirimi Islandip ukiunik 100-nik nalliuttorsiornerani qaaqquneqarnera illersorneqarsinnaanngilaq, Iceland Monitorip allaaserisaa naapertorlugu partiimi nalunaarummi taama oqariartuuteqartoqarpoq.

Piratpartietip ilaasortai nalliuttorsiornermut ilaassanngitsut siusinaarluni kalerriutigisimavaa.

Powered by Labrador CMS