Islandimi eqqartuussisuuneqarfiata Thomas Møller Olsenip eqqartuunneqaqqinnissaanut ulluliivoq

Oktobarip naanerani toqutsineq pillugu suliaq Islandimi eqqartuusivimmi saqqummiunneqassaaq, KNR taama allaaserisaqarpoq.

Thomas Møller Olsen siorna toqutsisutut aamma hashimik 23 kiilunik eqqussisutut ukiuni 19-ini paarnaarussassanngortinneqartoq pillugu suliareqqitassanngortitsineq, oktobarip 29-anni aallartissaaq, tusagassiorfik innuttaasunut sullisoq KNR ataasinngornermi taama allaaserisaqarpoq.

Thomas Møller Olsen nutaamik eqqartuussissuserisortaartoq, KNR aamma ilisimatitsivoq, suliami unnerluussisoq aamma illersuisoq eqqartuussisuuneqarfimmi eqqartuussisunut pingasunut nutaanik saqqummiussiniarput.

Thomas Møller Olsenip Birna Brjánsdóttirimut toqutsisimasutut pisuunnginnini aallaqqaammulli attappaa, taamaattoq hashimik eqqusseriarsimanini nassuerutigaa.

Powered by Labrador CMS