Pinngortitami ajunaarnersuaq
Islandi ulloq ataatsip affaatalu ingerlanerani millionit sisamarterutaat katersorpaat
Nuugaatsiami malissuarmit eqqugaasunut nuna tamakkerlugu katersuiniartitsisoqarsimavoq. Ulloq ataatsip affaatalu ingerlanerani 317.000 koruunit missaani katersorneqarsimapput
Nuugaatsiami eqqugaasut ilaqutaallu, marlunngornermi Islandimi nuna tamakkerlugu katersuiniartitsoqarpoq.
Nuna tamakkerlugu katersuiniarnerup aallartinneranit, ullup ataatsip affaatalu ingerlanerinnaani islandimiut aningaasat 317.000 koruunit katersorsimavaat.
Islandimiut nutaarsiassaqartitsiviat Ruv.is pingasinngornermi taama allappoq.
Atuaruk: Island 2,6 millionit koruuninik tapersiivoq
Nuna tamakkerlugu katersuiniarnermi Kirkens Nødhjælpimit Islandimeersumit aaqqissuunneqarpoq.
- Katersuiniarnermi inuit bankimut ikisillattaaneri SMS-ikkulli tunissuteqarneri aatsaat taama sukkatigisut takuakka, Kirkens Nødhjælpip Islandimi pisortaanera, Hjálparstarf kirkjunnar islandimiut tusagassiuuteqarfianut taama oqarpoq.
Islandip naalakkersuisuisa sapaatip akunnerata aallartilaarnerani Uummannap eqqaani ajunaarnersuarmit eqqugaasunut islandimiut aningaasaataanni 40 millionit koruuninik tunissuteqarsimapput. Danskit aningaasaataat malillugit 2,6 millionit koruunit.
Aamma atuaruk: Savalimmiut 2 millionit koruuninik tapiissuteqartut