Island Gamesimi ulloq siullermi ajugaasut arlallit

Kalaallit angutit isikkammik arsaattartui Island Gamesimi aallartilluarput, tamanna Svenskit qeqertaanni Gotlandimi pivoq.

Taakku Western Isles unammivaat, tassanilu kalaallit nunanut allanut unammisartui 3-0-mik ajugaapput. Kalaallit Nunaanni Timersoqatigiit Kattuffiat naapertorlugu Niels Svane, Nukannguaq Zeeb aamma John Ludvig Broberg unamminermi isertitsivoq.

Arnat arsartartut aaqqissuisut Gotland unammivaat. Kalaallit arnat arsaartartut tassani 6-0-mik ajorsarput.

Timersorneq sulorarnerlu
Timersornermi Martin Møller aamma Niels Berthelsen 10.000 meterimut arpannermi peqataavoq. Martin Møller ajugaasut tallimaattut apuuppoq, minutsit 32-t aamma sekundit 38-t atorlugit, Niels Berthelsen ajugaasut 13-attut apuuppoq, minutsit 35-t aamma sekundit 48-t atorlugit arpakkami, arpattut 15-t peqataapput.

Sulorarnermi iligiiaarneq sapaatiummat aallartippoq.

Kalaallit Nunaat pingasoriarluni unammeqataavoq. Tassani ajugaanerit marluupput, ataaseriarlunilu ajorsartoqarpoq.

Iligiiaarnermi aajuku angusat:

Isle of Wight – Kalaallit Nunaat: (0-5)
Falkland Islands – Kalaallit Nunaat: (0-5)
Kalaallit Nunaat – Isle of Man: (2-3)

Angusat allat
Nerrivimmi arsaararnermi aamma iligiikkaarluni unammisoqarpoq. Tassani aamma ajugaanerit marluupput, ataasiarlunilu ajorsartoqarpoq:

Kalaallit Nunaat – Isle of Man: (6-1)
Cayman Islands – Kalaallit Nunaat: (0-7)
Kalaallit Nunaat – Jersey: (3-4)

Kalaallit triatletit marluk aamma sapaammi unammipput. Tassani nalulluni, sikkilerluni aamma arpalluni unammisoqarpoq.

Peqataasut marluk tassaapput Christian Keldsen kiisalu Bent Salling. Siulleq 31-iulluni apuuppoq, akunneq ataaseq minutsit 57-t atorlugit, Bent Salling unammisunit 61-iusunit 54-inngorpoq, akunnerit marluk minutsit 12-t sekundillu 21-t atoramigit.

Volleyballerluni unamminerni Kalaallit Nunaat marloriarluni ajorsarpoq. Angutit Savalimmiunut 3-0-mik ajorsarput, arnat 3-1-mik ajorsarlutik.

Island Games uani malinnaaffigisinnaavat