Sisimiut
Isertitsivimmi juullimut niuffatsitsineq
Sisimiuni pinerluuteqarsimasunut isertitsivimmi illoqarfiup innuttaasuinut weekendimi juullerpaluttumik niuffatsitsisoqarpoq
Annonse
Sisimiuni pinerluuteqarsimasunut isertitsivimmi arfininngormat illoqarfimmi innuttaasunut niuffatsitsisoqarmat, juullimut tunissutissanut isumassarsiassarpassuarnik ulikkaarpoq.
Meeqqanut qamutinik ilaanni tunisisoqarpoq, sanalukkat assigiinngitsunik ilusilersukkat aammalu iffiukkat juullerpaluttut - tamarmik isertitsivimmiittunit sananeqarsimasut.
Qalipagaq nuannarineqarluartoq
Niuffanneq nalunaaqutaq ataatsimut aallartippoq tallimanullu naammassilluni. Qalipagarlu nalunaaqutaq sisamanut akitsorterullugu tunineqarpoq.
Qalipagaq assimiittoq 1.500 koruunilerlugu tunineqarpoq, siulleq akimik taasisoq 400 koruuniliiumavoq.
Iniut 70-t missaaniittut niuffannermut alakkarterput, isertitsiviullu pensioniani taanna ingerlanneqarpoq.