aatsitassat
Ironbark sakkortuumik isornartorsiorneqartoq
Pinngortitaq pillugu nunarsuaq tamakkerlugu illersuiniaqatigiiffiup Ironbarkip Tunup Avannaarsuani Citronen Fjordimi aatsitassarsiorfiliornissamik suliniutaanut atatillugu tusarniaassutinik sakkortuumik isornartorsiuivoq. Ironbark isornartorsiuinermut isumaqataanngilaq
Pinngortitaq pillugu nunarsuaq tamakkerlugu illersuiniaqatigiiffiup (WWF) Ironbarkip Tunup Avannaarsuani Citronen Fjordimi zinkimik aqerlummillu piiaaviliassarsuanut tusarniaanermi atortut amigaatilerujussuusutut isumaqarfigai, tamatumanilu umiarsuit angallannissaannik allaaserisat immikkut pineqarlutik.
‘Piiaaffmmik sanaartornermut atatillugu assartuinermik ingerlatat akornusersuerujussuarsinnaanerat atortussani allaaserineqarsimanngillat, taamaalillunilu ukiuni marlunni sanaartortoqarneranit akornusersuutaasinnaasut nalilersornissaat pisinnaanani.
Suliniummi avatangiisinut sunniu taasinnaasut annerpaartaasa ilaat tassaavoq avannaarsuata imartaanik misikkarissunik uuliamik mingutsitsisoqaratarsinnaanera, ilaatigut sikusanngitsumi Avannaata Kangi ata imartaani,’ WWF tusarniaanermut akissutimini allappoq nangillunilu:
Ajutoortoqarpat kinguneqarnerpaassasq
‘Avannaata Kangiata imartaa sikusartuunngilaq pingaarutilerujussuaq timmiarpassuaqarlunilu imarmiunik miluumasorpassuaqartoq. Tusarniaanermi atortussani ingerlaarfissaq imaatigut sikusanngitsukkut toqqaannartumik pissasoq pilersaarutigineqarpoq. Umiarsuit ingerlaartarfissaat qilalukkanik qernertanik, aavernik, arfvinnik illersuiffiit sumiiffillu timmissanut imarmiunut nannunulllu misikkarissut aqqusaarlugit pisartussatut pilersaarutigineqarpoq. Sumiiffiit taakkua sapinngisamik annerpaamik akornusersornaveersaartariaqarput ajutoortoqarneranilu uuliamik mingutsitsisoqaratarsinnaaneranut pinaveersaartitsivigineqartariaqarlutik.’
Atuaruk: Tunup avannaani zinkiliorfimmut 60 million kronit
Isornartorsiuineq tunngavissaqannginnerarpaat
WWF isumaqanngilluinnarpoq suliniummi aarlerinaat naliliigivigineqarsinnaanngitsoq, ajutoortoqartillugu upalungaarsimanissamut pilersaarutit amigaataammata. Ironbarkili eqqissisaavoq isornartorsiuinermullu tunngavissaqannginneraalluni.
Atuaruk: Zink-imik ujarlerneq annertusarneqarpoq
Ironbark WWF-ip isornartorsiuineranut qanoq akissuteqarnersoq Sermitsiami uani sapaatip-akunnerani saqqummertumi atuaruk, taanna uani aamma pisiarisinnaavat: