Polar arctic marathon
Irlandimiut Issittumi maratonimi ajugaapput
Polar Arctic Circle Marathon Kangerlussuarmi ingerlanneqarmat, angutini arnaninilu Irlandermiut ajugaapput. Kalaaleq maratonip affaanut arpannermi ajugaavoq
Arpanneq sakkortooq The Polar Circle Marathon sapaatip-akunnerata naanerani aqqaneq-aappassaanik Kangerlussuarmi ingerlanneqarpoq.
Angutini 102-t peqataapput arnanilu 39-t peqataapput, maratonip affaanut peqataasut tamarmik 91-iullutik.
Ajugaasut pingajuattut inissilluartoq
Angutini Irlandimiu Niell Alexander Weir, akunnerit pingasut minutsillu 17-it atorlugit arpakkami ajugaavoq, Pit Van Rikswijck Luxemourgimeersoq ajugaasup tulleraa, James Anthony Harray Edmondson Tuluit Nunaanneersoq pingajuattut inissippoq.
Anguteeraq Karl-Kristian Christensen angutini kalaallini angusarinnerpaalluni ajugaasut qulingattut inissippoq.
Arnani Sinead Wearen aamma Irlandimiu ajugaavoq, akunnerit sisamat minutsillu 28-it atorlugit arpassimavoq. Charlotte Thomsen Larsen Danmarkimeersoq ajugaasup tulleraa, Nunatsinneersoq Louise Møller Knudsen angusarissaarluni ajugaasut pingajoraat.
Maratonip affaa
Niell Alexander Weir maratonip affaanut arpattoqarnerani ajugaaqqippoq, Pit Van Rikswijckilu sekundinik marlunni kingulliulaarluni apuuppoq. Carl St-Jacques Canadameersoq ajugaasut pingajoraat.
Kalaallini Ulrik Heilmann Kreutzmann angusarinnersaalluni ajugaasut tallimaraat.
Kalaaleq ajugaasoq
Louise Møller Knudsen arnat maratonip affaanut arpanneranni ajugaagami angusarissaarluarpoq. Qallunaata Anette Nielsen aamma Charlotte Thomsen Larsen ajugaasup tulliatut aamma pingajuatut inissipput.
Inernerit tamaasa uani takukkit