kiggerlunnaversaat
Ippernat kiggii imatut ungilagunnaarsinnaapput
Tarngutit nakorsaatillu allat pisariaqanngillat ippernat kiggii ungilagunnaartinniarlugit, ammit pillugit ilisimasalik siunnersuivoq
Aasaanerani ippernat kiggii assigiinngissinnaaqisut oqaasipiluutaallutillu assigiinngitsorpassuarnik oqaasertalersorneqartarput ilaasa ’aasap alianaaqutinnguanik’ taagoraat. Ungillerinartortaali pisariitsunnguamik peerneqarsinnaasoq ammit pillugit immikkut ilisimasalik Norgemeersoq oqarpoq.
- Nalaanneqartarpoq eksemertut oqaluartut kissartorujussuarmik qorlorfigitillutik ungilleriunnaamisarlutik. Ilisimaneqarpormi qasilisoornerup ungillerineq malunnarunnaarsittaraa. Aamma ungilannartumut maluginiutit ilaat kissarnermut malussarissuupput, ammit pillugit ilisimasallik Anders Halvorsen Oslop Universitetianeersoq Videnskab.dk-mut oqarpoq.
Kissartorujussuarmilli uffarnikkut ameq uunneqarsinnaavoq. Taamaammat mianersuuttariaqarpoq ungilleriunnaarniarluni uffarniarnissaq.
Periarfissanngooq ilagaat ermiut kissartorujussuarmut kinissinnarlugu ungilannartumut tarngullugu asattornissaq.