Tuesday, September 12, 2017 - 06:52

''Inuusuttut ukioqatigiiaat arlallit annaassavagut''

Aaqqissuusseqqinnerit pisariaqartut suliarineqannginneri pissutaallutik, aamma siusinnerpaamik 2020-mi imaluunniit 2021-imi naammassineqarsinnaagamik, meeqqat atuarfiini inuusuttut ukioqatigiiaat arlallit annaaneqarnissaat Aningaasaqarnermut Siunnersuisoqatigiit ilimagaat.

Tamanna Aningaasaqarnermut Siunnersuisoqatigiit nalunaarusiaanni, pingasunngornermi tusagssiortunik katersortitsinermi saqqummiunneqarnissaa sioqqullugu Sermitsiaq.AG-p takusimasaani atuarneqarsinnaavoq.

Sivisooq
Piareersaataasumik sulineq aatsaat 2019-imi piariissasoq siunnersuisoqatigiit maluginiarpaat, inatsisillu akuerineqarnissaanut ukiut marluk ingerlasinnaapput.

- Suliap taama sivisutigineranik inuusuttut ukioqatigiiaat arlallit ilinniarnikkut annaaneqarnissaanik naleqassaaq. Ilinniarfeqarfinni atukkat ilinniarfeqarnikkut siuariartoqarnissaanut pituttuisumik killilersuisuunngillat, siunnersuisoqatigiit naqissusiipput.

Akerlianik tunngaviusumik meeqqat atuarfianut piumasaqaatit ajornartorsiutaanerpaasoq oqaatigineqarpoq, siunnersuisoqatigiillu ilanngullugu oqaatigaat:

- ... taamaalilluni soraarummeernermi angusarissaarnissamut periarfissat aamma ilinniaqqinnissamut tunngavissaqarluni''.

- Atuartut 3. klassimi angusaqarluartut, aamma amerlanertigut soraarummeerluartarput, ilinniakkamillu aallartitsillutik. Atuartut 3. klassimi angusarlunnerusut illuanik pisarput.

Siusinaartumik iliuuseqarneq pisariaqartoq
Atuartut kivitseqataaffiginiarlugit aamma atuartut ataasiakkaat ilikkagaqarnissaanut periarfissaanik aamma piumassusaanik assigiinngitsunik aporfilersuinerit millisarniarlugit, meeqqat atuarfiani siusinaartumik iliuuseqarnerup pingaassusaanik naqissusiisoq, siunnersuisoqatigiit isumaqarput.

Aamma atuaruk: Aningaasaqarnermut Siunnersuisoqatigiit aalisarnermut inatsimmut isorinnittut

- Ajornartorsiutit tamakku ullumikkumit ajunnginnerusumik aaqqiiffigineqanngippata, ilinniarnikkut ajornartorsiutit pissapput, atuarunnaarnerullu kinguorna taakku aaqqiivigineqarnissaat ajornakusoortorujussuussapput. Aamma ilinniartitaanermut aaqqissuussaanermi atuarfeqarfinni aaqqissuusseqqinnermi. Ajornartorsiutit tamakku iserfiginissaat unammillernartut pingaarnersaraat - aamma tamatuminnga pitsanngorsaanissamut tunngavimmik pilersitsiniarluni angajoqqaat, ilinniartitsisut qinikkallu akornanni suleqatigiinnermik qulakkeerinninnissaq, siunnersuisoqatigiit nalunaarusiami allapput.

Seneste nyheder / Nutaarsiassat kingulliit