Inuusuttut: Sumi sulissaagut?

- Sumi sulissaagut? Qanoq aningaasanik pissarsissaagut?

23-nik ukiulik Morten Schmidt Nuummeersoq oqarpoq.

Aanaani kræftilernera pissutigalugu Piareersarfik unitsiinnartariaqarsimavaa. Pisumut malussarnini pissutigalugu atuarfimmi malinnaasinnaakunnaarami uniinnarniarluni aalajangerpoq.

Kommuneqarfik Sermersuumi soraarsiortuisoqarnera Piorsaavik eqqorneqarpoq. Morten Schmidt tassaniittaraluarpoq. Tamanna pillugu inuusuttut 13-t akerliussutsimik takutitsipput.

- Pingaartinneqanngilagut. Uagut pilluta suliarineqartut ajorsiartuinnavipput. Kiisa ikiortissaarutingajalerpugut, Morten Schmidt oqarpoq.

Suliaqarusukkaluarpormi.

- Sumiluunnit sulisinnaagaluarpunga piffissaq qanoq ikkaluarpalluunniit, Sermitsiaq.AG-mut oqarpoq.

- Ingerlatsisorput uagutsinnut paasinnittartoq aamma soraarsinneqarpoq. Suna tullinnguutissava?

Morten Schmidt Piorsaavimmiikkaangami igaffimmiinnerusarpoq. Igasunngorusuppoq, aamma ilinniarfigerusuppaa. Meeqqat Atuarfianniilli misilitsinnernik amigaateqarpoq.

Pisortap Nanna Chemnitzip oqaatigaa inuusuttut kaammattorneqarnissaminnut amigaateqartut. Ilinnialeqqinnissaannut taanna aqqutaasoq oqaatigaa.

- Morten Schmidt Piorsaavimmi tulliani pikkorissartoqalerpat peqataassaaq. Misilitsissimanerminut attaveqalissaaq, Narsamilu Inuilimi atuarsinnaalissalluni.

- Inuusuttut unittooqqasut ikiorserniartarpavut. Maani ukioq manna 2,5 million koruuninik sipaartareerpugut. Biilerput ataaseq akigaarput aamma inuusuttut ilinniagaqarnermusiaqartilernikuuvagut kommunimit aningaasarsisarunnaartillugit, Nanna Chemnitz oqarpoq.

Assit ataani takukkit